Multaj
esperantistoj shatas filatelon, precipe amas kolekti poshtmarkojn
pri Esperanto, sed malmultaj atingis brilajn sukcesojn chi-rilate.
Inter ili trovighas s-ro Song Shengtan, ordinara mezlerneja instruisto.
Jam
en sia knabeco s-ro Song komencis kolekti poshtmarkojn. Tiam li
kolektis poshtmarkojn speciale de Britio. Li kontaktighis kun Esperanto
kaj komencis mem lerni ghin en 1958, kiam li studis en la chinlingva
fakultato de la Nankina Universitato. Poste li kolektis ankau kelkajn
Esperantajn poshtmarkojn. Komence li rigardis ilin kiel signon de
sia Esperanta lernado. Poste kun profundigho de la lernado, li pli
kaj pli konis Esperanton kaj estis forte tushita de la idealo, kredo
kaj sindonemo de d-ro Zamenhof. Li ne nur diligente lernis Esperanton,
sed ankau sisteme kolektis Esperantajn poshtmarkojn. Ghis la komenco
de 1966 li havigis al si plejparton da Esperantaj poshtmarkoj, inter
kiuj estis rara Esperanta poshtmarko emisiita de Bavario en 1911,
sed bedaurinde perdighis chiuj liaj Esperantaj poshtmarkoj kaj eldonajhoj
dum la china kultura revolucio. Li devigite chesigis filateladon
kaj lernadon de Esperanto.
En
1977 li rekomencis filateladon kaj lernadon de Esperanto, kuraghigite
de veterana esperantisto Tikos, kiu donis al li taskon traduki la
libron de Gaston Waringhien "Lingvo kaj Vivo". Chiutage
li tradukis de la 22-a ghis la 2-a de la sekvanta mateno. 4 monatojn
poste li finis la tutan libron. S-ro I. Paulsson, tiama prezidanto
de la E-Ligo Filatelista/Amika Rondo de Esperantajh-Kolektantoj,
multe helpis lin. Dank' al li s-ro Song retrovis sian svedan esperantistan
amikon, kun kiu li korespondis antau 15 jaroj. Alighinte al la E-Ligo
Filatelista/Amika Rondo de Esperantajh-Kolektantoj, li konigis al
alilandaj Esperantajh-kolektantoj diversajn chinajn filatelajhojn
kaj havigis al si Esperantajn poshtmarkojn sub ilia helpo. Krome,
li kolektis ankau multajn Esperantajn kovertojn, poshtkartojn, memorigajn
poshtstampojn kaj Esperantajn glumarkojn. Inter liaj Esperantaj
filatelajhoj iuj estas tre raraj.
Junie
de 1983 s-ro Song partoprenis en la Unua Ekspozicio de Filatelajhoj
de Jiangsu-provinco, kun sia filatela albumo "Artefarita Lingvo
-- Esperanto", kiu ricevis altan taksadon de vizitantoj. Poste
la Jiangsu-a Filatela Asocio sendis lian albumon al la China Ekspozicio
de Filatelajhoj okazinta en tiu jaro. La albumo estis premiita per
arghenta medalo. Poste li gajnis kupran medalon de la Monda Ekspozicio
de Filatelajhoj en Svedio en 1986, orumitan medalon de la China
Ekspozicio de Filatelajhoj en 1989, kupran medalon de la Monda Ekspozicio
de Filatelajhoj en Brazilo en 1993, arghentumitan medalon de la
6-a Azia Ekspozicio de Filatelajhoj en Indonezio de 1993 kaj arghentan
medalon de la 8-a Azia Ekspozicio de Filatelajhoj en 1995.
En
Esperanta filatelado de s-ro Song spegulighas la penado de liaj
lernado kaj propagando de Esperanto. Parolante pri sia sukceso,
li ege kontentas pri tio, ke Esperanta filatelado okupis lokon en
la filatela kampo kaj samtempe disvastigis Esperanton.
S-ro
Song famighis en la filatela rondo kaj Esperantujo. Li estas komitatano
de la China E-Ligo, vicprezidanto de la Jiangsu-a E-Asocio, delegito
de UEA, membro de la Konsilio de la Jiangsu-a Filatela Asocio, vicprezidanto
de la Nankina Filatela Asocio, chefredaktoro de la gazeto "Jiangsu-a
Filatelo" kaj provinc-nivela jughanto por ekspozicioj de filatelajhoj.
Pro liaj rimarkindaj sukcesoj kaj elstaraj gvidado kaj organizado
de filatelaj aktivadoj oni plurfoje elektis lin kiel avangardan
filateliston de Chinio, Jiangsu-provinco kaj Nankino. En 1987 la
China E-Eldonejo eldonis lian "Katalogon de Esperantaj Poshtmarkoj",
kiu estis baldau elcherpita. Liaj artikoloj aperis en "China
Filatela Enciklopedio" kaj "China Filatela Vortaro"
eldonitaj en 1996.
S-ro
Song vivas en felicha kaj harmonia familio. Lia edzino estas emerito
de la Nankina Fabriko de Elektronaj Tuboj. Ili havas filon kaj filinon.
Krom Esperanto kaj filatelo, li amas ankau belarton kaj klasikan
muzikon.
|