Li
staris senmove kvazau statuo kaj direktis sian rigardon al malproksimaj
vagonoj. La sceno forte kortushis min, ke mi ekmemoris la faman
chinan eseon "La dorso de la patro" temantan pri la delikata kaj
profunda amo de la patro al la filo, kaj larmoj nebuligis miajn
okulojn.
S-ro Karl Maier,
granda amiko de la china popolo kaj chinaj esperantistoj, forpasis
la 25-an de julio 2000 en sia agho de 99 jaroj. Ni ege malghojas
kaj bedauras pro tio. Ni promesis al li, ke ni iamaniere celebros
lian centjarighon februare de la venonta jaro. Sed tiun shancon
ni neniam havos. Mi vidis s-ron Karl Maier nur dufoje, tamen tiuj
du renkontighoj profunde gravurighis en mia memoro.
LA UNUA RENKONTIGhO
KUN KARL MAIER
Mi unuafoje
vidis s-ron Karl Maier en septembro l987 en la hejmo de Ivan Ko,
lia malnova china amiko. Kiam mi vidis lin kaj lian edzinon, mi
neniel povis kredi pro ilia bela kaj ech brila vestado, sprita parolado
kaj facila pashado, ke ili jam havis 86 kaj 78 jarojn. Jam en l966,
nelonge post kiam mi venis al la redakcio de EPCh, mi audis de Ivan
Ko la nomon Karl Maier kaj informighis de li, ke Maier estas peranto
de EPCh de l958 kaj la nombro de liaj varbitoj superis 300 en l961,
pro tio la redakcio de EPCh planis inviti lin vojaghi al Chinio
en l966. Sed la vojagho ne sukcesis ghis l987. Mi ne sciis, kiu
alia kauzo estas krom la kultura revolucio, kiu dauris dek jarojn
en Chinio.
S-ro Karl Maier
konatighis kun Ivan Ko en china urbo Tianjin en la tridekaj jaroj.
Tiam s-ro Karl Maier funkciigis en Tianjin dentologian kuracejon
kaj Ivan Ko laboris en iu asekura kompanio. Ili ofte renkontighis
en esperantistaj kunsidoj kaj starigis inter si profundan amikecon.
S-ro Karl Maier instruis foje en Esperanta kurso prononcadon de
nia lingvo. En l955 li kaj lia edzino revenis al sia patrolando
GDR kaj ankau s-ro Ivan Ko forlasis Tianjin por labori aliloke jam
en la komenco de la kvindekaj jaroj. La revidigho post pli ol 30
jaroj ege ghojigis ambau maljunulojn. En Pekino, krom akompani ges-rojn
Maier al vidindajhoj kaj amikoj, Ivan Ko hejme regalis ilin per
familia bankedo, al kiu estis honore invititaj mi kaj filino de
la komuna amiko de Karl Maier kaj Ivan Ko. Tiutage la malforta edzino
de Ivan Ko mem preparis por la gastoj abundajn pladojn de loka gusto
kaj la gefiloj kaj nepino de Ivan Ko alrapidis por la intervidigho.
La du chambroj de Ivan Ko estis tro malgrandaj por tiom da homoj,
sed la etoso varma kaj intima.
Dum tiu vojagho,
krom Pekino, ges-roj Maier vizitis ankau siajn malnovajn loghejon
kaj kuracejon en Tianjin kaj havis tie tre agrablan renkontighon
kun amikoj malnovaj kaj novaj. Ili vizitis ankau Nankinon, Shanhajon,
Suzhou kaj Hanzhou. La vojagho dauris tri semajnojn.
INTER DU MALSAMLANDAJ
MALJUNULOJ
En la interparolado
kun s-ro Karl Maier mi hazarde informighis, ke mia japana koresponda
amiko s-ro Osaki Kazuo estas amiko ankau de Karl Maier. Mi tuj skribis
tion al s-ro Osaki Kazuo. Li respondis en la letero: "En l932 survoje
al Chinio Karl Maier alvenis al Osaka kaj tranoktis en mia dometo.
Lia sinteno tre kortushis min. Li ne drinkas, ne fumas, nek kredas
Dion. Tiele amikeco okazis inter mi kaj li." Sed ilia kontakto rompighis
pro la milito de japanaj agresantoj kontrau Chinio. Eble mia letero
helpis al ili denove havi la kontakton. Nelonge post tio s-ro Osaki
Kazuo sendis al mi 5000 jenojn, ke mi achetu anstatau li donacon
al ges-roj Maier. Per tiu sumo mi zorgeme elektis por ili belajn
tablotukon kaj silkon kaj poshte sendis al ili. Post iom da tempo
mi ricevis leteron skribitan de s-ino Maier, en kiu shi en la nomo
de shi kaj shia edzo esprimas koran dankon al mi kaj sentoplene
rememoris la felichajn tagojn, kiujn ili pasigis kun chinaj amikoj
dum sia revizito al Chinio. Shi kunsendis al mi tri fotojn. En la
fotoj shi portas robon faritan el la silko achetita de mi kaj ambau
sidas malantau la tableto tegita per la tablotuko achetita de mi.
La samaj fotoj estis senditaj al s-ro Osaki Kazuo. Por havi bonajn
fotojn ges-roj Maier venigis fakan fotiston, sed la koloro de la
fotoj ne estis kontentiga kaj pro tio s-ino Maier ege bedauris.
Rememorante la aferon, mi sentas kaj ghojon kaj kontenton, char
mi restarigis la rompitan kontakton kaj amikecon de la malsamlandaj
maljunuloj.
GASTADO EN LA HEJMO
DE KARL MAIER
La 84-a UK okazis
de la 31-a de julio ghis la 7-a de augusto 2000 en Berlino, al kiu
mi alighis. Mi kaj miaj kolegoj decidis viziti Karl Maier profitante
la okazon. Antau nia ekiro al la kongreso mi skribis al li, informante
nian deziron kaj demandante, kion ni kunportu al li. En sia letero
li respondis: "Mi vere ghojus, se vi trovus tempon viziti min, sed
mi petas vin ne alporti iun ajn donacajhon por mi. Vi estu la donacajho!"
Li daurigis: "Mi jam komencis prepari por mia forpaso kaj tion kio
ne havas utilon por alia homo mi jam forjhetis ofte ne sen larmoj
en miaj okuloj." Lia lasta vorto tristigis min.
S-ro Karl Maier
cheestis la malfermon de la kongreso. Tiutage li vestis sin ghentlemane
kaj sidis nerimarkite kun s-ro Ulrich Lins inter la postaj vicoj
de la kongresejo. Sed en sia saluta parolado s-ro Osmo Buller, ghenerala
direktoro de UEA, laute menciis lian nomon, lian rilaton kun Chinio
kaj EPCh kaj kontribuon al la germana Esperanto-movado. La tuta
cheestantaro esprimis estimon al li per varma aplaudado.
Post
la inauguro s-ro Karl Maier cheestis la kunsidon de EPCh-legantoj.
Kvankam li restis silenta dum la kunveno, tamen ni ne dubis lian
varman koron al EPCh, char li estis tre diligenta kaj sukcesinta
peranto de la revuo kaj zorgeme kolektis kompleton da ekzempleroj
de EPCh, inkluzive de ghia unua numero.
La
3-an de augusto mi kaj miaj kolegoj iris viziti lin. Li diris, ke
li atendos nin tiutage en la stacio. Chu ni povus lasi fari tion
la 98-jaran maljunulon! Ni fordankis lian afablecon kaj ripetfoje
klarigis al li, ke ni havas sufiche da sagho por atingi lian hejmon
lau la adreso. Sed tuj kiam ni per trajno atingis la stacion, mi
vidis je kaplevo s-ron Karl Maier sur ponto super la fervojo. Li
staris senmove kvazau statuo kaj direktis sian rigardon al malproksimaj
vagonoj. La sceno forte kortushis min, ke mi ekmemoris la faman
chinan eseon "La dorso de la patro" temantan pri la delikata kaj
profunda amo de la patro al la filo, kaj larmoj nebuligis miajn
okulojn.
En
sia apartamento plena de chinaj mebloj kaj artajhoj s-ro Karl Maier
regalis nin per teo kaj kukajho. Li detale demandis nin pri siaj
malnovaj amikoj kaj lau nia peto rakontis pri siaj travivajhoj:
mizera infaneco, konatigho kun sia edzino, batalo kontrau nazioj,
migrado tra Usono, kie li vidis la "ekonomian miraklon" kaj ankau
senlaborecon, interparolis kun indianoj kaj foje estis tre proksima
al morto pro aventuro en Granda Kanjono de Kolorado, restado en
Chinio kaj kontaktigho kun chinaj esperantistoj, la vivo en GDR
post l955... Demandite kial li ne sukcesis viziti Chinion dum tiom
longa tempo, li diris, ke pro sia subteno al Chinio en la konfliktoj
inter Chinio kaj Sovetunio, li estis eksigita el la Unuigita Sociala
Partio de Germanio, sed kiam normalighis la rilatoj inter Chinio
kaj GDR oni ne fidis lin pro lia tiutempa opono kontrau la registaro.
Lia vizito al Chinio fine realighis en l987 post la Varsovia UK.
Per sia rakontado li kvazau donis al ni enhavorichan lecionon de
historio.
AMIKECO DE KARL MAIER
POR ChINIO
Eble
pro la 22-jara restado en Chinio s-ro Karl Maier havis profundan
amikecon por la china popolo kaj chinaj esperantistoj, kaj tiun
amikecon provis la tempo. Li ne nur bone konis la pasintecon de
Chinio, sed ankau zorgis ghian hodiauon kaj futuron. Li achetis
multajn librojn pri Chinio. Januare chi-jare, en sia letero al mi
li skribis: "Estas chiam granda evento en mia kvieta vivo, kiam
china amiko venas al mia hejmo. Kelkfoje membroj de la china konsulejo
chi tie vizitas min kaj preparas chinan manghon en mia kuirejo au
kunportas manghon, tio estas kvazau festo por mi." Februare en sia
lasta letero al la redakcio de EPCh li skribis: "Kun granda ghojo
mi legis vian belegan kaj karan gratulleteron okaze de mia 99-a
naskightago. Neniam mi havis tiom multajn subskribojn en letero
al mi. Mi precipe ghojas pri la subskribo de mia plej longa korespondanto
Ivan Ko, de kiu mi ne havis vivsignon de la nova jaro. Mi plej kore
dankas al vi chiuj pro via belega gesto kaj deziras al vi bonfarton
kaj sukceson en via laboro. Kaj al via kara lando mi deziras pluajn
sukcesojn. Mia plej granda deziro estus, se mi povos ghisvivi ghis
ankau Taiwan estos reunuigita al via glorricha lando." Antau nelonge
ni informighis el la china ambasadorejo al Germanio, ke s-ro Karl
Maier jam donacis chiujn siajn konservitajn librojn pri Chinio al
la Shtata Biblioteko de Chinio en l998. En sia testamento li difinis
la chinan ambasadorejon kiel chefan heredanton de siaj posedajhoj.
Li plurfoje promesis donaci duonon de sia deponita mono al la China
Esperanto-Ligo. Pasintjare, kiam ni vizitis lian hejmon, li ripetis
tion. Li diris ankau, ke oni foje proponis sendi lian malsanan edzinon
al iu sanatorio per tiu sumo, sed li ne konsentis, char li volis
uzi la monon por Esperanto. Kia valorega donaco, en kiu ni povas
vidi liajn koron, idealon kaj esperon. Kiel jarcenta maljunulo s-ro
Karl Maier travivis multajn eventojn kaj sociajn shanghojn. Lia
vivo mem estas historio kaj historio de Esperanto-movado. Li diris:
"Oni lernas Esperanton, sed plej grave estas la fakto, kial oni
lernas Esperanton. Mi lernas Esperanton por paco." Jes, por tiu
nobla celo li laboradis la tutan vivon. Li meritas nian estimon
kaj eternan memoron.
----------------------------------
* Eksa vicchefredaktorino de EPCh
|