Li
Shijun laboris por EPCh dekojn da jaroj. Tradukado kaj verkado konsumis
grandan parton de lia energio. Pri tio li diris: "Tio estas
bezono de la laboro, kaj mi amas Esperanton. Sed mi plej shatas
instruadon."
Jes,
antau 55 jaroj, kiam li estis en Chengdu, li jam laboris kiel instruisto
kaj gvidis Esperantajn kursojn. En la 50-aj jaroj, kiam EPCh interrompis
sian aperadon dum kelkaj jaroj, li denove laboris kiel instruisto
en mezlernejoj. En 1957, kiam EPCh klopodis rekomenci sian aperadon,
li revenis al ghia redakcio. Dum la sekvanta periodo li instruis
Esperanton en la China Popola Universitato, la Shanhaja Fremdlingva
Instituto kaj Yunnan-Universitato. En 1981 kaj 1982 li gvidis du
Esperanto-kursojn por instruistoj el universitatoj kaj kolegioj,
kaj tiuj instruistoj post diplomitigho diskonigas Esperanton en
diversaj partoj de Chinio.
En
1984, fondighis la China Koresponda Esperanto-Instituto kaj Li Shijun
farighis ghia direktoro. Chirkau dek miloj da homoj lernis en la
kursoj. Post sia emeritigho, li gvidis Esperantan kurson en la Pekina
Radiodisaudiga Instituto. La dekkelkaj gestudentoj de tiu kurso
diplomitighis en 1991 kaj eklaboris en la China Esperanto-Ligo,
la redakcio de EPCh kaj China Radio Internacia. Septembre de 1991,
li gvidis Esperanto-kurson en la Centra Instituto de Kulturaj Laborantoj.
En la lastaj jaroj, li gvidis Esperanto-kursojn ankau en la urbo
Shenyang en nordorienta Chinio.
Li
Shijun amas Esperanto-instruadon kaj multe sukcesis en esplorado
de instrumetodoj. Lia profesio ne estas instruado, sed li multe
kontribuis al la Esperanto-instruado, tial li estis akceptita kiel
membro de la China Societo de Esperanto-Instruado en Superaj Lernejoj.
Al chiu ghia simpozio li prezentis 1 au 2 memuarojn pri instrumetodo
au gramatiko, kaj tiuj artikoloj plejparte estis publikigitaj en
la revuo "Esperanto en Superaj Lernejoj".
|