Mi
estas junulino Hai Ly el Hanojo, chefurbo de la Vjetnama Socialisma
Respubliko. Mi bedauras, ke mi ne havis la shancon persone partopreni
en la Tel-Aviva UK, nek en la 56-a IJK en Hongkong, sed mi volas esprimi
mian kunsenton kun la cheftemoj de tiuj kongresoj per tiu chi artikoleto.
La 85-a Universala Kongreso de Esperanto okazis
en la historiaj konjunkturoj, kiam la homaro antauenpashas al la 21-a
jarcento, kun granda espero, ke ghi estu Jarcento de Paco. Kun la
cheftemo "LINGVO KAJ KULTURO DE PACO", chi tiu kongreso
en Tel-Avivo daure esprimas la noblan idealon de la adeptoj de L.
L. Zamenhof pri la Internacia Lingvo Esperanto je servo por Paco,
Amikeco kaj Kooperado inter la
popoloj.
Tiam,
kiam la landoj de Meza Oriento staras antau tre delikataj problemoj
pri konfliktoj kaj interpacighoj, chi tiu kongreso konfirmas la
volon de la tutmondaj geesperantistoj kontribue garantii pacon por
la transigho al nova epoko vere pacema kaj kultur-richa.
Lastatempe,
en augusto de 1999, en Hanojo, freshdate promociita de UNESKO kiel
"URBO PRO PACO", nia Vjetnama Esperanto-Asocio prenis
sur sin la taskon organizi la Duan Azian Kongreson de Esperanto,
kun la cheftemo "KUNLABORO POR PACO, STABILECO KAJ DISVOLVIGhO".
La plena sukceso de chi tiu kongreso jam montras, ke ni, la vjetnamaj
geesperantistoj, chiam strebas kreskigi niajn amikecajn kaj kunlaborajn
rilatojn kun chiuj pacamaj Esp-organizoj kaj gesamideanoj en Azio
kaj en la mondo. Felicha koincido tuj post la fermo de chi tiu kongreso,
la 15-an de septembro 1999, nia shtato oficiale deklaris sin pro
"la jaro de paca kulturo 2000" ekfunkciigita de la Ghenerala
Asembleo de la Unuighintaj Nacioj.
*
* *
Mi
pensas, ke la cheftemo de la Tel-Aviva UK havas ion laudindan, ke
ghi reliefigis la strechan rilaton inter lingvo kaj kulturo ghenerale
kaj respektive chi tie, la esencan ligighon inter la Internacia
Lingvo Esperanto kaj la establigo de Kulturo de Paco por la tuta
mondo. Tio aperas al mi des pli signifa, kiam la problemo de lingvo
universala estas unuanime aplaudita sur la teritorio mem de Meza
Oriento, kie jam en la antikveco naskighis kaj disfamis la mito
pri la Babel-turo enskribita en la Biblio.
Cetere
mi rimarkas, ke ghuste en la sama momento en augusto de 2000 okazis
la 56-a Internacia Junulara Kongreso en Honkong, kun la paralela
cheftemo "Tutmondigho transire al la 21-a jarcento". Sendube
mi aprobas la nocion de "tutmondigho", kaj kompreneble,
deire de la "interna ideo", kiun D-ro L. L. Zamenhof asignis
al sia genia kreajho Esperanto. Tio estas, ke la tendenco al "tutmondigho"
sin bazu sur la principo de plena egalrajteco inter la popoloj kaj
la kulturoj.
Kiel
juna adepto de L. L. Zamenhof el la nova generacio de Esperanto
en Vjetnamio, kaj kvankam ne povante persone partopreni la Hongkongan
junularan festivalon nek la Tel-Avivan UK, mi morale subtenas tiujn
porpacajn manifestighojn, kun la granda espero, ke la nuntempaj
junaj geesperantistoj aparte kaj la mondaj gejunuloj ghenerale ankorau
havos multajn aliajn oportunojn por fervore kaj sindoneme kontribui
al la efektivigho de firma kaj daura paco, al la harmonia disvolvigho
de diversaj kulturoj, por fari la 21-an jarcenton vera Jarcento
de Paco. Por tiu alta celo, ni kiel eble plej bone utiligu nian
komprenilon je universala karaktero Esperanto!
* Komitatano de Vjetnama
Esperanto-Asocio (VEA)
|