Mia vojo / Mi recorrido / My journey, charma kolorigebla libreto por infanoj, entenas ghentilan "verdan" mesaghon. Akvoguto priskribas sian migradon en nubo, aero, surtere. Estas klare el tiu priskribo kiel kara estas chiuj eroj de la naturo, kaj kiom valoras ke homoj protektu ilin.

    Enkonduka klarigo pri Esperanto en la hispana kaj angla lingvoj donas facilan priskribon al la leganto. La kolorigeblaj desegnoj estas simplaj, kaj allogos infanojn al kolorigado.

    La sola gheno pri chi tiu alie bonega libreto estas la elekto de la vorto "vojo" en la titolo. La rakonteto klare priskribas vojaghon, au ech veturon, ne vojon. Supozeble ne eblas nun korekti tion -- sed la autoro tion pripensu, se okazos reeldono.

    Chi tiu, la unua Esperanta libro eldonita en Kostariko, estas ja achetinda libreto!

William R. Harmon (Usono)

Mia vojo / Mi recorrido / My journey de Leda Violeta Coronado C. Esperantigis Guido Hernandez M., angligis Carolina Mata. Editorial Tecnologica de Costa Rica. Cartago. 2002. 18 paghoj. 21 x 28 cm. 4,50 euroj + sendkostoj. Triona rabato ekde 3 ekzempleroj. La libro estas achetebla che la Indighenaj Dialogoj, Riouwstraat 172, NL-2585HW Den Haag, Nederlando <snjezana.cimic@idnetwork.nl>

    Jurgen estas la plej konata romano de usona verkisto James Branch Cabell (1879-1958) publikigita en 1919.

    Jurgen estas lombardisto en imagita lando, iama poeto, kiu regajnas sian junecon, retenante la saghon kaj sperton de sia matura agho. Serchante sian forsorchitan edzinon, Jurgen travojaghas fantaziajn kaj legendajn teritoriojn, inkluzive de la kristanaj Infero kaj Paradizo, prosperante che belaj virinoj (ekzemple, Helena de Trojo) kaj chiam plialtighante range, ghis fine li renkontas la chiel-potencan Koshchej (kiu "faris chiujn aferojn tiaj, kiaj ili estas") kaj petas, kun interesaj sekvoj, redonon de la edzino.

    Trad. William Auld. Jekaterinburg: Sezonoj, 2001, 240 p. 21cm. Bind. Prezo: 18 euroj. Mendu che: UEA, FEL, ELNA kaj aliaj gravaj libroservoj, ankau rekte che la eldonejo poshte: RU-620014 Jekaterinburg-14, p.k. 162, Ruslando, au rete: <sezonoj@mail.ru>. Telefono: (3432) 281711. Hejmpagho: <http://www.sezonoj.itgo.com>

(Halina Gorecka)

    En 1999 William Auld kaj Marjorie Boulton festis sian 75-an datrevenon. Okaze de tio UEA donacis al ili festlibron, en kiu pluraj kontribuajhoj prilumas ilian verkistan karieron kaj analizas iliajn verkojn. Aliaj eseoj traktas aktualajn temojn de la movada kaj kultura vivo en Esperantujo.

    Kontribuis V. Benczik, G. Berveling, W. Bormann, J. Camacho, P. Dashgupto, S. Fiedler, P. Gubbins, T. Hughimoto, R. Jaderstrom, E. de Kock, A. Korjhenkov, Laulum, Mao Zifu, G. Mattos, S. Maul, A. Montagut, S. Pokrovskij, B. Ragnarsson, M. de Seabra, G. Silfer, H. Tonkin, L. Trifonchovski kaj J. Wells. Kun la bibliografioj de Auld kaj Boulton fare de C. Cimpa.

(El Esperanto)

    La libreto "China lingvo -- la richa kaj bela lingvo" estas kolekto de artikoloj pri la china lingvo aperigitaj en la revuo "El Popola Chinio" en la 90-aj jaroj de la 20-a jarcento. La autoro prezentas en sia libreto diversajn aspektojn de la china lingvo, kiel idiomajhoj, proverboj, aludoj, tabuoj kaj eufemismoj en la china lingvo.
    La china lingvo estas parolata de 1.3 miliardoj da homoj. Chu ghi estas facila au malfacila? La autoro diris, ke kaj jes kaj ne. Kial? Legu la libreton.
    China Esperanto-Eldonejo, Beijing, 2000, 162 p. 18 x 11 cm.
    Prezo: 5.00 USD.
    Sendokosto: 2.00 USD.
    Mendu che: Distribua Fako de "El Popola Chinio"
    P.O. Kesto 77, CN-100037
    Beijing, Chinio
    Retposhto: cee@china-report.com
    libroservo@china-report.com

(Binsheng)

    Tiu chi vortaro aperis post mallongigo de la Esperanto-China Vortaro, eldonita en 1990 kun Hongfan kiel chefkompilinto. Dum la rekompilado oni forstrekis multajn arkaismojn kaj malfacilajn vortojn, ke la nova vortaro kun 45862 artikoloj taugas por komencantoj kaj ankau por progresintoj. Kiel poshvortaro, ghi estas facile portebla kaj bone disponebla por chinaj lernantoj de Esperanto kaj alilandaj samideanoj, kiuj interesighas pri la china kulturo.
    China Esperanto-Eldonejo, Beijing, 2000, 402 p. 15.5 x 8 cm.
    Prezo: 6.00 USD.
    Sendokosto: 2.50 USD.
    Mendu che: Distribua Fako de "El Popola Chinio"
    P.O. Kesto 77, CN-100037
    Beijing, Chinio
    Retposhto: cee@china-report.com
    libroservo@china-report.com

(Binsheng)