La 15-an de oktobro, japana jhurnalo Asahi Shimbun publikigis artikolon, kie legighas, ke la kosmoshipo Shenzhou-5 impresas la publikon, ke Chinio estas granda prospera lando kun progresa tekniko. Kredeble, la monda bildo kun pintaj teknologioj kiel la centro shanghighos pro tio. La homporta kosmoshipo lanchighos nur tiam, kiam oni havos fidindajn teknologiojn de raketo, vivodefenda sistemo kaj repreno de lanchita satelito. Koncerne Hindion kaj aliajn landojn, kiuj nun havas nukleajn armilojn, ankorau ne havas la fundamentajn fortojn por defii lanchon de homporta kosmoshipo.

    Usona jhurnalo Wall Street Journal raportis la 15-an de oktobro, ke kvankam la kosmoshipo Shenzhou-5 ripetis la grandan aferon faritan de Usono kaj Sovetunio antau pli ol 40 jaroj, tamen kosmonautikaj fakuloj diris, ke la flugado de la china homporta kosmoshipo montras, ke Chinio faris grandan salton en teknologioj kaj ghi farighis konkuranto au kompano en la esplorado de la spaco regata de Usono. Iu renoma fakulo laboranta 22 jarojn en la kosmonautika centro nome Johnson, Houston, diris, ke Chinio ne blinde postkuras Rusion kaj Usonon kaj post nelonge ghi atingos Rusion kaj farighos oficiala membro de la spaca klubo.

    Jhurnalo USA Today diris la 15-an de oktobro, ke lancho de la china kosmoshipo vivigos la alilandan kosmonautikan aferon kaj forigos la modelon de la rilatoj inter malnovaj kosmonautikaj kompanoj kaj la potencigho de Chinio utilos al chiuj homoj de la mondo. Usono, Europo kaj Japanio nun intensigas sian kosmonautikan planon. Chinio nun farighis potenca tria lando en la kosmonautika unio, kio donos novan eblecon aktivadi en la kriza momento, ekz. transporti kosmonautojn kaj materialojn inter la terglobo kaj internaciaj kosmaj stacioj.

    La 15-an de oktobro la Novajh-agentejo de Rusio diris, ke en la vico de kosmonautoj aperis chino kaj nun la spaco estas konkerata ankau de chinoj. Por multe da membroj de la terglobo lancho de la kosmoshipo havas alian signifon, ke la reputacio kaj pozicio de Chinio en la monda familio rapide levighas. La kosmonautiko nature utilas al la ekonomia disvolvigho de tiu lando.

    La 16-an de oktobro la japana novajh-agentejo Jiji diris, ke hodiau post Usono kaj Rusio, Chinio farighis la tria lando, kiu povas lanchi homportan kosmoshipon kaj sukcese repreni ghin. Pro tio unu jaron post sia naskigho la nuna shtata gvidantaro estrata de Hu Jintao levis sian prestighon kaj reputacion de la registaro kaj Chinio, kiu firmigis sian kosmonautikan pozicion kaj faros esploradon pri la luno kaj konstruon de la spacaj stacioj.