Chu
la iraka milito, komencita la 20-an de marto, influas la chinan
ekonomion?
Por
informighi pri tio mi vizitis kelke da fakuloj. Ili estas
Zhang Liqun, esploristo de la Esplora Centro pri Disvolvigho
sub la Shtata Konsilantaro, Wang Jian, konstanta asista ghenerala
sekretario de la China Makroskopa Ekonomika Instituto, kaj
Song Guoqing, profesoro de la Esplora Centro pri China Ekonomio
sub la Pekina Universitato. Ili opinias, ke se la iraka milito
baldau finighos, do ghi ne multe ghenos la ekonomian disvolvighon
de Chinio kaj la tuta mondo, kaj se ghi dauros longe, do la
influo ne estos facile antauvidebla, tamen ghi certe malutilos
al la importo kaj eksporto de Chinio kaj iuj industrioj frontos
pli akran merkatan konkurencon.
Petrola
prezo kaj la china ekonomio
En
1993 Chinio farighis lando de petrol-importado kaj de tiam
ghia ekonomia disvolvigho havas striktan rilaton kun la internacia
petrola merkato. Nun 30% de la konsumata petrolo de Chinio
estas importita. Kun industria disvolvigho kaj mallevigho
de ghia propra petrola produktokvanto ghi pli kaj pli multe
dependos de la internacia petrola merkato. Oni antauvidis,
ke 84% de la petrolo bezonata de Chinio estos importita en
2030.
La
petrola kurzlevigho certe malutilos al la ekonomia kresko
de Chinio, lando de pura petrol-importado, kaj kiom serioze?
Chinio mem malofte faras tian takson. Chi-kampe ni povas referenci
alilandajn donitajhojn. La Internacia Mon-Fonduso opinias,
ke se la prezo de chiu barelo da petrolo levighas je 10 usonaj
dolaroj, la ekonomia kresko de la mondo falas je 0.5%. Tio
estas nur 0.3% por Usono, char en Usono serva industrio estas
tre evoluinta kaj manufakturado ne konsistigas grandan parton
de la ekonomio, dum la servado en Chinio ne estas tiel evoluinta
kiel en Usono, tial la petrola kurzlevigho malutilos al la
china ekonomio neniom malpli multe ol la usona.
Internacia
kapitalo en Chinio
La
terorisma atako de la 11-a de septembro multe skuis la mondon
kaj en tio estis peze atakita ankau la internacia kapitalo.
Fronte la shanghighon de la sekureco de Usono, la internacia
kapitalo serchas novan lokon, kaj la financa skandalo de grandaj
usonaj kompanioj akrigis tiun tendencon. Sed en la sama tempo
la china ekonomio disvolvighis rapide precipe post membrigho
de Chinio al la Monda Komerca Organizo, kaj plie, internacie
Chinio ne havas malamikojn, tial fremdlanda amaskomunikilo
diras, ke ghi tre plachas al la internacia kapitalo. La terorisma
atako de la 11-a de septembro kauzis enkondukighon de la internacia
kapitalo en Chinion. Eble la milito inter Usono kaj Irako
donos la similan rezulton. Nun la problemo estas, post finigho
de la milito kaj plibonigho de la internacia sekureco, chu
tiu kapitalo revenos al sia antaua loko. Pri tio oni portempe
ne estas certa kaj devas referenci la novan tabelon pri internacia
enspezo kaj konsumado.
Influo
al la monda ekonomio
La
iraka milito pliigis la maltrankvilon pri la media sekureco
kaj necertecon. Multaj atestoj pruvis, ke kurzlevigho de oro
kaj obligacioj, mallevigho de la akcia valoro kaj depresio
de la investado de entreprenoj estas kauzitaj de la milito.
Pro chiuj tiuj shanghighoj la investantoj reduktas la kvanton
de riskaj havajhoj kaj turnas tiun kapitalon al kompare sekuraj
financaj establajhoj. El tio oni scias, ke la necerteco de
riskaj richajhoj kreskas. Sub tiaj kondichoj la konsumado
kaj investado ambau estas malhelpataj, kio malutilas al la
ekonomia kresko.
El
tio oni scias, ke milito malhelpas la ekonomian kreskon, kaj
kiom serioze ghi malhelpas? Certighi pri tio ja estas tre
malfacile.
|