En la lastaj jaroj la ekologia medio de Pekino kaj ghiaj proksimaj lokoj estis serioze damaghita kaj la grunda dezertigho farighis pli kaj pli serioza. Pekino kaj Tianjin multe suferis de sablovento kaj multe malbonighis la vivmedio de la tieaj loghantoj. Tio vekis grandan atenton de la china registaro kaj la tutlanda popolo.

    Junie de 2000 lanchighis la reguliga projekto kontrau sabloventa fonto minacanta Pekinon kaj Tianjin. Tio estas unu el la 6 ekologiaj projektoj de Chinio. La projekto koncernas Pekinon, Tianjin, Hebei, Shanxi kaj Internan Mongolion. Ghi ampleksas la rimedojn forstuman, akvoutiligan kaj agrikulturan. Unue oni faris provadon en 65 gubernioj de tiuj municipoj, provincoj kaj autonoma regiono kaj en la sekvanta jaro la provado koncernis 75 guberniojn. Marte de 2003 la china registaro oficiale aprobis la projekton, char ghi estas chefa projekto por plibonigi la ekologian medion de Pekino kaj Tianjin kaj bremsi furiozighon de la tiea sablovento kaj grava rimedo por realigi la sloganon "Verdaj Olimpikoj", tiel ke oficiale komencighis la projekto, kiu dauros entute 10 jarojn. Lau la projekto oni devas arbarizi 7330 mil hektarojn da kampoj kaj restauri kaj reguligi 11.11 milionojn da herbejoj. Post realigho de la projekto la totala areo de arbaroj kaj herbejoj de Pekino pliighos je 11%, kaj la tiea ekologia medio multe plibonighos kaj Pekino kaj Tianjin komplete sin liberigos el minaco de sablovento.

    Post 3-jara penado la projekto jam akiris periodan sukceson. Arboj, herboj kaj aliaj vegetajhoj de Pekino kaj ghiaj chirkauaj lokoj rapide revivighis. Aperis 2.1 milionoj da hektaroj da novaj verdigitaj lokoj. La ghenerala ekologia medio de la lokoj iom post iom plibonighis kaj ie ech rimarkinde plibonighis. Monitorado montras, ke en 2003 la kotosablo enportita en Miyun-akvokonservejon malpliighis je 24 mil tunoj kaj en la unuaj kvin monatoj de 2003 la enspirebla pulvoro entenata en la aero de Pekino malpliighis je 28.1% kaj la totala shvebanta pulvoro mallevighis je 48.9%.