En la Dua Sesio de la Deka Tutlanda Komitato de la China Popola Politika Interkonsiligha Konferenco (ChPPIK) s-ro Liu Minfu, membro de la Tutlanda Komitato de ChPPIK, faris paroladon kun la titolo "Severe protektu teron por interesoj de la kamparanoj" en la nomo de la Centra Komitato de la Revolucia Komitato de China Kuomintango.

    S-ro Liu diris, ke Chinio havis entute 130 milionojn da hektaroj da agroj (en 1997), t.e. la pokapa agroareo estis nur 0.1 hektaro. Chinio estas unu el la landoj, kies pokapa agroareo estas tre malgranda. La china registaro chiam akcentas, ke teroprotektado havas grandan signifon por la socia stabileco kaj ekonomia disvolvigho, kaj decidis praktiki la plej severan sistemon pri teroprotektado kaj alprenis serion da gravaj rimedoj en leghodonado, juro, administrado, sistemo, edukado, punado kaj premiado, kaj dank' al tio la teroprotektado akiris certan sukceson.

    Tamen ni trovis kun bedauro, ke teroprotektado en Chinio ne estas kontentiga. En la lastaj jaroj la agroareo reduktighis rapide kaj la kontraulegha okupado de tero estis serioza. De 1997 ghis 2002 chiujare malaperis 684 mil hektaroj pro neagrikultura konstruado, cedo de agroj por ekologia restauro, reguligo de la agrikultura strukturo kaj damagho de katastrofoj. Fine de 2003 Chinio havis nur 124 milionojn da agroj.

    En la lastaj jaroj levighis en Chinio febro okupi teron por ekonomiaj disvolvaj distriktoj. Statistiko montras, ke en Chinio tiaj distriktoj planitaj kovras entute 35.43 mil kvadratajn kilometrojn, pli multe ol la totala areo de urbaj konstruejoj kaj tiu de Taiwan-insulo au tiu de Hainan-insulo.

    Kvankam la centra registaro ordonis chesigi sankcii novajn disvolvajn distriktojn, tamen la kontraulegha okupado de tero tute ne chesis. Antau nelonge chefministro Wen Jiabao faris instrukcion en la dokumento pri teroperdo de kamparanoj: "Mia plurfoja instrukcio rikoltis malmulte. La kontraulegha okupado de tero estas terura kaj kauzos grandan malutilon!" De tio ni vidos, kiel serioza estas la problemo.

    Pro reduktigho de agraro mallevighis la grena produktokvanto, kio tre malutilas al la grena sekureco de Chinio. En la pasintaj 3 jaroj la grena produktokvanto reduktighis jaron post jaro, kaj unu el la kauzoj estis reduktigho de agraro. La arbitra okupado de tero serioze malutilas al la interesoj de kamparanoj kaj formis aron da kamparanoj, kiuj ne havas teron, nek okupon kaj socian garantion. Tio serioze malutilas al la socia stabileco, la seriozeco kaj digno de la leghoj, la konstruado de la politika civilizacio kaj la realigo de la legha potenctenado. La kontraulegha komerco de tero kaj nigra manipulado malutilas al la ordo de ekonomia merkato kaj facile kauzas koruptighon. Ie lokaj registaroj au kompanioj subtenataj de ili arbitre okupis teron, kio levis konflikton inter policanoj kaj kamparanoj, kaj forte damaghis la reputacion de la registaro, akrigis la kontraudiron inter la kadroj kaj popolamasoj.

    Tion kauzis diversaj faktoroj: Unue, la gvida penso de iuj lokaj gvidantoj pri ekonomia disvolvigho estas ne ghusta. Ili miskomprenis la teorion, ke disvolvigho estas nepra kaj ghi estas la plej grava por prosperigo de la lando. Ili energie chasas momentan sukceson, lokan efikon kaj portempan ekonomian kreskon. Ili kontraustarigis la ekonomian disvolvighon kun la baza nacia principo pri severa protekto de agraro. Por entreprenado ili arbitre rabas la teran posedantecon. Due, la legha koncepto che iuj registaraj oficistoj estas malforta. Ili ne plenumas administradon lau legho. Ili ne konas nek lernas leghojn, sed malobservas ilin. Trie, dum ekzameno de shtatoficistoj oni tro alte taksas la pokapan produktovaloron kaj financan enspezon. Levigho de la ciferoj promociis shtatoficistojn kaj kauzis damaghon de la tero. Kvare, oni ne rigore traktis la kontrauleghan sankcion de ter-okupado. En 2003 oni reordigis kaj bonordigis la disvolvajn distriktojn kaj en la tuta lando oni endosierigis 128 mil kazojn. Kvine, la nuna legho pri ter-administrado ne distingas la publik-utilan ter-okupon disde la entreprena. Lau la legho chiuj konstruaj terpecoj devas esti rekviziciataj de la lokaj registaroj, tial chi tiuj havas tro grandan povon de ter-rekviziciado.

    Ni kun ghojo rimarkis, ke nun la china registaro firmdecide kaj energie protektas agraron kaj decidis radikale bonordigi la disvolvajn distriktojn, puni la shtatoficistojn, kiuj malobservis la leghojn. Poste la nomuno kaj eksigo de la gvidantaj kadroj pri ter-administrado estos farataj chefe de la samspecaj superaj instancoj. Dokumento de la centra registaro refoje emfazas rigore observi la sistemon pri teroprotektado. Oni devas agi lau la principo por interesoj de la kamparanoj kaj limigo de terrekvizicio. Tio ludos gravan rolon por teroprotektado.