2003 estas la unua jaro, kiam la shtato malpermesis fishadon en Yangzi-rivero. Dank' al la energia propagando kaj rigora plenumo de la legho tiujare en 10 provincoj kaj municipoj en la baseno de la rivero fundamente realighis la celo, ke sur la rivero ne vidighas fish-boato, che la bordo ne vidighas fishreto kaj en bazaroj ne vendighas fishoj el Yangzi-rivero. La fishad-malpermeso rikoltis bonan ekologian kaj socian efikon kaj ekonomian profiton.

    En la lastaj jaroj kun ekonomia disvolvigho, media polucio kaj troa fishado en la baseno de Yangzi-rivero fishoj pli kaj pli malmultighis kaj iuj specoj ech serioze kolapsighis kaj farighis raraj. La pereontaj specoj pli kaj pli multighis, kio rekte malutilas al la daura disvolvigho de la fishada ekonomio en la baseno de Yangzi-rivero. Por kiel eble plej bone protekti la fish-richfontojn en la baseno kaj akceli sanan disvolvighon de la loka fishado, la china registaro aprobis, ke la Ministerio de Agrikulturo efektivigos kompletan fishad-malpermesan politikon ekde 2003, kio estas la unua fojo en la fishad-administra historio de Yangzi-rivero.

    La fishad-malpermeso estas efektivigata en Shanhajo, Hunan, Yunnan kaj aliaj 7 provincoj kaj municipoj.

    La fishad-malpermeso validas de la unua de februaro ghis la 30-a de aprilo en la supra baseno de Yangzi-rivero kaj de la 1-a de aprilo ghis la 30-a de junio en la meza kaj malsupra basenoj de la rivero.

    Dum la fishad-malpermesa periodo estas malpermesata chia fishado en Yangzi-rivero escepte de tiu de anchovoj kaj longvostaj anchovoj. Se la shtataj akvoproduktaj bredejoj volas kolekti naturajn fishidojn en Yangzi-rivero kaj scienc-esploraj departementoj volas fari esploradon de la fish-richfontoj, ili devas peti permeson de la Ministerio de Agrikulturo pere de koncernaj provincaj administracioj.