La laborraporto de la registaro al la Dua Sesio de la Tutlanda Popola Kongreso multe akcentis la problemon de prokrasto de salajropago al kamparano-laboristoj. Chefministro Wen Jiabao ne nur dufoje parolis pri tiu problemo, sed ankau difinis la rimedojn kaj limdaton de solvo de la problemo. Por konstruado oni dungas plej multajn kamparano-laboristojn, kaj en tiu kampo plej multe okazas prokrasto de salajropago. Kion la kamparano-laboristoj plej multe zorgas? Pri tio raportistino Wang Xiaoya de la China Centra Televizio interparolis kun kamparano-laboristoj.

Wang Xiaoya (W): De kie vi venis?

Kamparano (K): De Hunan-provinco.

W: Chu ankau viaj fratoj laboras en aliaj lokoj?

K: Mi ne havas fraton.

W: Kion vi plej deziras por shanghi vian staton?

K: Mi urghe bezonas akiri mian salajron antau hejmenreveno.

    Kelke da kamparanoj laborintaj en urbo en la pasinta jaro diris al Wang Xiaoya, ke dank' al la penado de la registaro, en la fino de la pasinta jaro ili akiris la salajron kaj hejmenrevenis kun granda ghojo. En la nova jaro ili plej zorgas la saman problemon, chu ili povos ghustatempe akiri salajron same kiel en la lasta jaro.

W: Kiom da mono oni shuldis al vi?

K: Milojn da juanoj.

W: Kiom vi povas perlabori en unu jaro?

K: Milojn da juanoj.

    Tiun problemon zorgas ne sole la kamparano-laboristoj. En la du sesioj la cheestantoj apelaciis efektive defendi la interesojn de la kamparano-laboristoj. Kaj reprezentantoj de Hubei-provinco subskribis la proponon pri tiu problemo.

    Wang Xiaoya intervjuis la proponantojn, kaj reprezentanto Hong Kezhu diris al shi, ke 38 reprezentantoj subskribis la proponon pri la problemo de prokrasto de pago de salajro de kamparano-laboristoj.

    Hong Kezhu, iniciatinto de la propono, havas profesion de konstruado. Lau sia sperto li elmetis konkretajn metodojn por preventi prokraston de salajropago al la kamparano-laboristoj. Li diris: "Estas necese trovi garantian metodon por eviti prokraston de salajrado al la kamparano-laboristoj, nome starigi sindikaton de kamparano-laboristoj kaj entrepreno por garantii iliajn rajtojn."

    Nun la problemo de salajropago al la kamparano-laboristoj estas solvata de registaraj departementoj pri konstruado kaj koncernaj departementoj. La socio volas informighi pri la stato de tiu laboro. Kaj pro tio Wang Xiaoya intervjuis Wang Guangtao, ministron de la Ministerio de Konstruado. Li diris: "Lau nia statistiko oni ankorau shuldas al la kamparano-laboristoj pli ol 6 miliardojn da juanoj. Oni nepre devas unue kvitighi kun la kamparano-laboristoj. Ili pene laboris tutan jaron kaj devas ghustatempe akiri salajron. Iuj shuldoj dauris preskau 10 jarojn. Miloj da juanoj estas granda sumo por kamparanoj."

    Ministro Wang diris al Wang Xiaoya, ke li ne estis oficiala reprezentanto de la du sesioj. Dum la sesioj li plej multe zorgis defendon de la interesoj de la kamparano-laboristoj. Statistiko de la Ministerio de Konstruado informis, ke ghis la fino de 2003 la entreprenoj de konstruado shuldis al la kamparano-laboristoj 32.08 miliardojn da juanoj. En 2003 oni pagis 25 miliardojn da juanoj. La shuldo ne estas granda sumo kompare kun la totala sumo de la ekonomio de Chinio, sed malgrau tio la registaro donis ekstreme grandan atenton al kvitigo de la shuldo. Tio refoje komunikis klaran signalon, nome defendi la interesojn de malfortaj homgrupoj kaj garantii socian justecon estas pli kaj pli akcentataj en la laboro de la registaro. Oni regas por la popolo, kaj por la popolo neniu afero estas bagatela.