En la 21-a de februaro usona prezidanto George W. Bush ekvizitis Chinion. En la Popola Halo de Pekino okazis interparolo inter li kaj china prezidanto Jiang Zemin. Ili intershanghis opiniojn pri Taiwan, prevento de difuzo de milita afero, situacio de la Mez-oriento, komerco inter Chinio kaj Usono, batalo kontrau internacia terorismo, religia kredo ktp. Post la interparolo ili akceptis intervjuon de jhurnalistoj kaj respondis iliajn demandojn. Ili havis saman opinion, ke en la kuranta shanghighema internacia situacio Chinio kaj Usono, kiel influhavaj landoj, devas plifortigi dialogon kaj kunlaboron, konvene trakti malsamecon de opinioj kaj kune antauenpushi konstruajn rilatojn inter si. Bush emfazis la politikon de unu Chinio kaj gravecon de observo de la 3 komunikoj de Chinio kaj Usono. Dume Jiang Zemin akceptis inviton de Bush. Li vizitos Usonon en oktobro chi-jare.