La 22-an de februaro lau la pekina tempo china chefministro Zhu Rongji interparolis kun usona prezidanto George W. Bush kaj kune matenmanghis.

    Poste, akompanate de Hu Jintao, vicprezidanto de Chinio, Bush faris paroladon en Qinghua-universitato. Li retrorigardis la historion de rilatoj inter Chinio kaj Usono kaj miris pro la granda shanghigho de Chinio. Li opiniis, ke Chinio farighos unu el la plej vivoplenaj kaj kreemaj landoj. En la parolado li tushis problemojn rilate al familio, religia kredo, elmigrado kaj batalo kontrau internacia terorismo. Li emfazis la gravecon de kunlaboro en edukado kaj kulturo inter Usono kaj Chinio. Post la parolado li respondis demandojn de studentoj de Qinghua-universitato. Posttagmeze li kun sia edzino vizitis la Grandan Muron. Je la 16-a horo li foriris de Pekino.