Pentagono - sidejo de la Usona Chefstabejo

    Pentagono estas sidejo de la usona chefstabejo. Char la domo estas kvinangula, ghi ricevis la nomon Pentagono.

    Pentagono, 22 metrojn alta el 5 etaghoj, kovras areon de ch. 2.34 milionoj da kvadrataj metroj. Ghia totala konstrua areo estas 608 mil kvadrataj metroj kaj la plank-areo - 344 mil kvadrataj metroj. Oni konstruis ghin per 87 milionoj da usonaj dolaroj. La 15-an de januaro, 1943, ghi finkonstruighis kaj maje de la sama jaro transdonighis al uzado. Tie povas labori 23 mil homoj samtempe. Sude kaj norde de la domo kushas autoparkoj por 10 mil automobiloj.

    Septembre de 1947 la la Nacidefenda Ministerio, iniciatita de prezidanto Harry S. Truman, komencis ofici tie, kaj de tiam Pentagono farighis simbolo de la usona chefstabejo. En la domo funkcias ankau aliaj nacidefendaj departementoj, gvidataj de ghi.

    En la unua etagho funkcias banko, poshtoficejo, librejo, kliniko, telegrafejo kaj vendejoj. En la dua etagho trovighas kunvenejo de stabestroj, nomata animo de la Nacidefenda Ministerio. Tie sternighas ora tapisho kaj pro tio oni nomas ghin Ora Halo. En la tria etagho estas oficejo de la ministro de nacia defendo kaj departemento de terarmeo. En angulo de la koridoro de la tria etagho estas Heroa Halo, starigita memore la heroojn ricevintajn medalon de plej alta honoro de post la Sendependiga Milito. Tie pendas 3 mil kupraj tabuloj, kie legighas iliaj nomo, naskighloko kaj biografieto. Tie estas ankau koridoroj memore George C. Marshall, Dwight D. Eisenhower kaj Douglas MacArthur kun iliaj fotoj, militistaj uniformoj, medaloj, pistoloj, dokumentoj subskribitaj de ili kaj aliaj objektoj. En la kvara kaj pli alta etaghoj estas departementoj de mararmeo kaj aerarmeo.

    La 12-an de majo de 1993 la Ministerio de Internaj Aferoj de Usono decidis, ke Pentagono estu la shtata historia emblemo.