Socio

Unu el la rimarkindaj aferoj en la 21-a jc. estas urbanizo de Chinio. En 2020 duono de Chinio urbanizighos, kaj tiam estos pli ol mil urboj, kie loghos duono de la chinoj.

Fakuloj diris, ke nuntempe nur 30% de Chinio urbanizighis, dum la averagha nivelo de la urbanizo de la tuta mondo jam atingis 47% kaj tiukampe nun Chinio trovighas nur sur la nivelo de 1950. Tio multe postighis kompare kun la china industriigo.

Koncerne la ekonomian staton, nun, kiam la chinoj vivas ankorau ne riche, jam aperis kompleta superfluo de varoj, shajne la kauzo kushas en tio, ke en la china kamparo vivas granda parto de la chinoj, tie la produktiveco estas malalta, dum en la urboj vivas malgranda parto de la chinoj, tamen tie la produktiveco estas alta. La malforta agrikulturo chiam katenis disvolvighon de la nacia ekonomio de Chinio. Antaue dum longa tempo la agrikulturajhoj ne sufichis por vivteni la chinan popolon, sed nun la problemo estas, ke la malalta achetpovo de la 900 milionoj da kamparanoj ne povas prosperigi la merkaton, tio certe kondukas al malforta achetado, malsuficha produktado de la entreprenoj kaj pliigho de senlaborighintoj. La unika rimedo por shanghi tiun fenomenon estas urbanizo de la tuta lando.

Tushante la vojon de la china urbanizo, oni diris, ke por realigi urbanizon, oni devas pliigi la nombron de la urboj kaj dilati ilian volumenon. En la evoluintaj landoj 90% de la loghantaro vivas en urboj, kies chefa tasko estas levi la produktivecon, dum en la kamparo oni devas malpliigi la loghantaron kaj levi la tiean produktivecon. Mi samopinias kun tio, ke por richigi la kamparanojn, oni devas redukti ilian nombron. Kompreneble, tio estas malfacila laboro, tamen historia tendenco. Kiamaniere oni realigos tiun planon? Chu pliigi vilaghajn entreprenojn kaj kuraghigi kamparanojn labori en urboj? Sed tio povas alporti negativan rezulton. Transpostenigo de kamparanoj certe kauzos transformighon de ilia kastismo. Kiamaniere oni sukcesos urbanigi kamparanojn? Se 600 milionoj da kamparanoj vivos en grandaj urboj, do oni devos konstrui 60 urbegojn, kia Pekino. Ja estas malfacile trovi tiel multe da taugaj lokoj. En Chinio estas 2600 gubernioj, se en chiu gubernio aperos 10 urbetoj kun po 30 mil loghantoj, do ili povos enteni 780 milionojn da homoj.

Nun sur la china teritorio aperis urbaniza tajdo. Videblas, ke de la urba konstruado en la venontaj 20-30 jaroj dependos la fizionomio de Chinio en la sekvantaj 200-300 jaroj.