Wei Zhendong estas memfida pri tio, ke lia nomo estas bone konata de triciklistoj de Pekino pro tio, ke la ornamo de lia triciklo estas unika kaj speciala kaj li amas la moron kaj tradicion de la antikva urbo Pekino.

    Wei Zhendong estas manchuro. Liaj antauuloj estis meritohavantoj, por kiuj oni starigis 18 monumentojn en Qing-dinastio (1644-1911). Tiam liaj familianoj vivis el salajro donita de la imperiestro, kaj poste la familio malprosperighis kaj iom post iom malrichighis. Lia patro vivtenis la familion per triciklado. En la jaro 1977 ankau li prenis tricikladon kiel okupon.

    Chiutage ellitighinte Wei Zhendong unue purigis la triciklon, kiu kompreneble estas chiam okulfrape brila: la stirilo kaj skeleto de la triciklo estas el rustimuna shtalo, kaj chirkau la nabo de la tri radoj brilas kupra ornamajho. La arghentkolora shtalo kaj flava kupro odoras noble kaj elegante, kaj la dua impreso estas pureco: la kovrilo de sidloko kaj ech la piedkuseno estas purigita, krome okulfrapas ornamajhoj de lia triciklo: antikveca pied-tintilo, viola tegmento, chio estas en bona ordo. Kaj ankau la stilo de liaj vestoj kunfandighis kun lia triciklo: tradiciaj tolshuoj kaj vasta pantalono montras lin tipa pekinano.

    Veturigante la triciklon li rakontas la tradician kulturon de Hutong-o kun la speciala pekina tono, kaj lia agmaniero kaj lia unika triciklo prezentas ghenron de Pekino.

    "Estas regulo ankau por triciklisto," Wei Zhendong diris. "Ghenerale la triciklistoj devas sidi che la piedflanko por atendi pasagherojn che strato. Tio estas oportuno por pasagheroj entriciklighi kaj ankau signo respekti ilin." Li diris: "Ni pekinanoj havas kutimon fari la stirilon iom malpli alta ol la selo, tiel ke la triciklanto ne malhelpas la vidon de pasagheroj. Se ne, la triciklanto estus laca pro sia veturigado kun rektigita talio."

    Tiu sperto estas resumita en la pli-20-jara triciklado same kiel lia bone dekoraciita triciklo.

    Foje Wei Zhendong, veturigante maljunulon, eksciis, ke ankau la maljunulo estis triciklisto, sed Wei Zhendong ech hodiau bedauras, ke li ne havis tempon por multe interparoli kun li. Poste Wei diris, ke la maljunulo ech bone konis kian zonon kaj kian tukon triciklisto devas porti.

    En sia longa triciklado Wei Zhendong kolektis sperton, same kiel lia triciklo fandighis kun lia shvito. La dekoraciajhoj de lia triciklo estas ech historia restajho, ekzemple la piedsonorileto estis farita en la 30-aj jaroj, sur kiu estas skribita "Farita en Germanio". Wei Zhendong iam vidis saman sonorilon en prezo de 6 mil juanoj en Liulichang, kiu estas strato speciale por vendi antikvajhojn. Li diris, ke la piedsonorileto antaue estis en la koloro arghenta kaj galvanizita kaj post dekoj da jaroj la interna kupro vidighis.

    Foje Wei Zhendong veturigis maljunulinon el Kanado. Shi kun larmoj en la okuloj diris: "Vi, via pekina stilo, viaj okuloj kaj via ago tute prezentas la tradician kulturon de Pekino."

    Pri tio Wei Zhendong diris: "Mi purigis la triciklon pro mia intereso kaj por altiri al mi pasagherojn."

    Tio estas memfida kaj senghena Wei Zhendong, tipa pekinano.