"Mia
hejmo estis interne de la Dua Rondvojo de Pekino..., lastatempe
mi audis tiun kanton en taksio. Mi estis ekscitita. La kanto
priskribas vershajne mian antauan domon, kiu trovighis en
kvieta korto en la komerca kvartalo de Pekino. La loko registris
mian vivon de pli ol 30 jaroj. En la 90-aj jaroj de la pasinta
jarcento, dank' al la rapida civila konstruado kaj la konstrua
rearangho de la urbo, aperis chirkau mia hejmo multe da altaj
domoj kaj post nelonge mia familio transloghighis en alian
lokon, malproksiman de la urbocentro.
Kvankam
la nova loghejo estas multe pli bela kaj granda ol la antaua,
tamen mia vivo en la malgranda korto postlasis al mi neforgeseblan
memoron.
Mia
korto iom similis al la kvadrata korto de la malnova Pekino.
La domo kun tri chambroj rigardis suden, ligitaj kun la apudaj
chambroj per koridoro. Ili chiuj estis tegmentitaj per grizaj
tegoloj kun rughe lakitaj fenestroj kaj pordoj. Kuirejo kaj
tenejo sidis en la apudaj chambroj. La korto ampleksis proksimume
cent kvadratajn metrojn. Meze ripozis du ortangulaj florbedoj.
Tie kreskis ankau du altaj cipresoj, unu siringo kaj unu cedrelo.
La aleo estis pavimita per grizaj brikoj.
Printempe
reviglighis la vegetajhoj en la korto. La siringo burghonis
kaj la cedrelo ghermis. Verdighis ankau la cipresoj. Tiam
mia patrino enplantis en la florbedoj diversajn florojn, kiaj
jasmeno, rozo, peonio, kanao kaj salvioj (Salvia splendens).
Kaj iafoje shi kulturis ankau fabojn kaj aliajn legomojn,
en kio ankau mi, knabino kreskinta en urbo, ghuis la ghojon
de vilaghanoj.
La
memoro pri mia infaneco estas klara, kiu tamen nedisigeblas
de la malgranda korto. Foje instruisto alvokis kulturi ricinon.
Mi faris kelke da fosoj en la florbedo kaj jhetis tien la
semojn. La patrino diris al mi: "Ho, mia filineto, tio
ne taugas. Vi devas enakvigi la semojn por kelke da tagoj
kaj post tio fari la semadon, kaj plie la fosoj estas tro
malgrandaj kaj la akvo rapide elvaporighos." Mi do faris
tion, kion la patrinon instruis al mi, kaj post kelke da tagoj
la semoj ghermis, la burghonoj farighis pli kaj pli grandaj
kaj fine donis multe da semoj. Mi donis la rikoltitajn semojn
al la lernejo, kiu laudis min pro tio, ke mia rikolto estis
pli granda ol la aliaj. Fakte mi devas atribui la sukceson
al la malgranda korto, kiu donis al mi sciojn kaj ankau honoron.
Somere
en la du florbedoj aromis diversaj floroj. La ombraj arboj
kaj belaj floroj altiris al si multe da geknaboj, kiuj kune
lernis, diskutis pri problemoj en la lernado kaj ofte en la
korto audighis gajaj ridoj. Mi pasigis mian infanecon akompanate
de ghojo en la malgranda korto.
Dum
miaj mezlernejanaj jaroj mi ekshatis fotadon. Antaue ni havis
nur nigrablankajn filmojn kaj poste la kolorajn, kaj tiam
ni achetis kompare bonan fotilon. Ghi estis tiel valora por
la tuta familio, ke la gepatroj ne disponigis ghin al mi kaj
mia frato, por ke ni, infanoj, ne fushu ghin. Ghenerale ankau
miaj gepatroj malofte uzis ghin. Mi rajtis uzi ghin nur somere,
kiam la floroj prosperis en la korto, kaj mi kaj mia frato
ekhavis la shancon por foti la tutan familion. Tiam mia fotografia
arto estis malbona kaj plurfoje fushis la fotadon. Poste mi
mem achetis fotilon kaj en la pasinta jaro la frato achetis
dighitan fotilon. Che la familia ekskurso ni portis ghin kaj
post selektado ni konservis la fotojn pli belajn en komputilo
kaj iuj ech farighis bildoj por la komputila ekrano.
En
somera vespero samkiel aliaj malnovaj pekinanoj, ni ofte sidis
che tablo kun teo kaj fruktoj. La tuta familio ghoje ripozis
en malvarmeta vespero kaj senghene babilis pri la lokaj moroj
kaj kutimoj, anekdotoj kaj aliaj gravaj kaj bagatelaj aferoj.
La avo estis tre parolema. Mi volis noti liajn vortojn, tamen
pro konstanta okupiteco mi tion ne faris ghis hodiau.
Autune
faladis arbofolioj, kio estis iagrade tristiga, tamen la verdaj
kaj flavaj folioj disshutitaj sur la korto beligis la medion.
Mi kaj mia frato faris iujn el ili specimenoj kaj paghosignoj.
Estis alia ghojiga afero, tio estis rikoltado: Ni do havis
abundon da lufoj kaj kukurboj. Estis tre interese pluki la
lentojn, kiuj surgrimpis la tegmenton lau lianoj. La patro
grimpis sur la tegmenton, dum mi kaj mia frato kolektis en
kuvon la lentojn, jhetitajn de la patro. Ni ghojis samkiel
gajaj birdoj. Kun tempopaso kaj levigho de la vivnivelo ni
ne plu kulturis legomojn en la korto, sed la ghojo de infaneco
profunde gravurighis en mian memoron.
Vintre
nia korto farighis paradizo por birdoj. En vintraj tagoj la
patrino jhetis milion teren por la birdoj. Shi estis bonkora.
Shi diris, ke la birdoj malfacile trovas nutrajhojn en frostaj
tagoj, kaj shi timis, ke ili malsatos. La birdoj do prenis
mian korton kiel sian hejmon. Komence che ni estis nur kelke
da birdoj, sed poste kolektighis multe da ili, kiuj ne timis
nin kaj pace vivis kune kun ni en la malgranda korto.
Post
neghado la korto plenighis de interesaj spektakloj. Tra la
glaciplena fenestro vidighis la arghenta mondo eksterdome.
La neghmasoj pezis sur arbobranchoj. La domoj kaj tero estis
tegitaj per dika tavolo da negho. Tiam ni ne povis longe sidi
dome kaj ofte eldomighis por fari neghhomojn kaj neghbulojn.
Ni faris al la neghhomoj okulojn el karbo, nazon kaj bushon
el karoto kaj rugha kapsiko kaj chapon el sitelo. Mi chirkauvolvis
ghian kolon per mia rugha koltuko. Jen aperis en la korto
bela neghinfano. En tio mi sentis elkoran ghojon.
Mi
plenkreskis kun senchesa alterno de la sezonoj. En palpebruma
dauro forpasis pli ol 30 jaroj. La malgranda korto farighis
atestanto de miaj infana ghojo kaj shanghigho de la vivo.
Post
transloghigho mi kaj miaj patro, onklo kaj frato revizitis
ghin kaj denove sperti la karan rememoron pri nia pasinteco.
Foje
mi trovis, ke la malgranda korto estis malkonstruita kaj restis
tie nur kelke da arboj, kiuj tamen farighis malviglaj kaj
iuj ech velkis.
Mi
staris en la ruina korto kaj rememoris mian infanajn tagojn.
La ghoja infaneco denove aperis en mia memoro. Mi scias, ke
la korto ne plu ekzistas, tamen ghi firme gravurighis en mian
memoron. Mi bone memoras la arbojn, florojn, herbojn kaj kompreneble
mian ghojan vivon en la malgranda korto.
|