Furoras
gimnastiko
Fininte
siajn studentajn jarojn, Cao Jingxia sin okupis plurajn jarojn pri
tradukado kaj nun laboras en la Hispana Ambasadorejo en Chinio.
Tage shi estas chiam tre okupita de la ofico kaj vespere de dommastrumado.
Post laboraj horoj shi dedichis grandan energion al flegado de sia
trijara filo. Shi, 34-jara virino, ofte sentas lacon de la monotona
vivo.
Antau
duonjaro ekfunkciis gimnastika klubo proksime de shia hejmo, kio
iomete shanghis shian vivon. Nun shi sin ekzercas tie per jogo dufoje
chiusemajne. En kvieta medio, akompanate de bela muziko, shi imitas
la movojn de la trejnisto, kaj en tio shi sentas spiritan malstrechighon
kaj sin liberigas el la laco pro laboro en tago.
Shi
diris, ke shi estas tute libera en tiuj du vesperoj. Por shi tio
estas ghuo kaj tial shi kun ghojo daurigas la ekzercadon. Shi estas
bona patrino kaj edzino. Shi ne volas ripeti la vivon de la maljuna
generacio kaj tute forgesi sin mem en la senlaca laborado. Shi opinias,
ke nur bona prizorgado al si mem ebligas plenumi sian taskon antau
la edzo kaj filo. La felicho de la familio iagrade dependas de la
animstato de la dommastrino. Shia bona animstato garantias la sanon
kaj viglan karakteron de la infano; se shi chiutage vespiras, la
infano estas malbone influata.
Chiufoje,
kiam Cao sin ekzercas en la gimnastejo, shia edzo prizorgas la filon,
kaj kiam la edzo ludas volanon, shi prizorgas la infanon. Shi diris,
ke shi kaj shia edzo havas chiu sian preferatan fizikan ekzercadon
kaj ili bone aranghas la aferon. Dimanche ili kune eldomighas kun
la filo. Por multaj loghantoj gimnastiko rekte influas ilian vivon,
kaj en ghi la homoj de diversaj aghoj kaj profesioj trovas sian
ghojon.
Ni
renkontis s-inon Wu Shuying, kiam shi faris kalistenion kune kun
gejunuloj, en sportista kostumo, kun harrubando sur la kapo. Tiu
63-jara maljunulino sin movas facile kaj leghere. Shi emeritighis
antau 3 jaroj. Shi diris, ke antaue shi sin okupis pri budgheto
de konstruado. Kvankam shi laboris en oficejo, tamen la denaska
vigleco faris shin interesata pri chiuj freshaj aferoj. Shi iam
maltrankvilis, ke post emeritigho shi povus farighi izolita de la
socia vivo. Shi opinias, ke kalistenio intimigas shin al la socio
kaj plie tio estas tre utila al shia sanstato, tial shi decidis
fari tiun fizikan ekzercadon. Chiumatene, shi achetas legomojn,
bonordigas la domon kaj post tagmangho faras kalistenion. En la
klubo shi ellernis kalistenion, lukton kaj stratan dancon kaj iam
shi sin ekzercis per gimnastiloj. Nun shi sentas, ke la vivo estas
enhavoplena. Shi ne multe maltrankvilas pri sia agho. "Mi neniam
subighis al la maljuneco," shi diris kun rideto. Eble ghuste
pro tio shi trovis ghojon en la klubo.
China
revuo "Urbaj sinjorinoj" faris enketon kaj trovis, ke
80% de la virinoj opinias, ke ilia figuro ne estas tre kontentiga,
45% de ili praktikis dieton kaj 33% iam prenis maldikigajn manghajhojn
kaj 21% persiste faras sporton por sin malkorpulentigi. Nun chinaj
virinoj faras publikan penadon por sveltigi sin.
Plurspeca
gimnastiko
Pro
rapida disvolvigho de la sporto de la tuta loghantaro ordinaraj
homoj pli kaj pli multe ekvizitis fakajn sporthalojn.
Cao
diris, ke efektive shi ne estas sportema, sed nun estante mezagha
virino shi bezonas taugan sporton por teni sian sanstaton kaj malstrechi
sin en la strecha vivo. Por serchi metodon taugan por si mem, shi
multe cerbumadis. Shi iam faris kalistenion, sed shi neniel alkutimighis
al la rapidritma muziko. Shi konkludis, ke kalistenio ne konformas
al shiaj sanstato kaj karaktero. Poste lau konsilo de amikoj, shi
elektis la kvietan malstrechan jogon. Ekzercinte sin per jogo por
kelka tempo shi sentis, ke shi pli viglighis kaj shia fizika elasteco
plifortighis.
En
Chinio jogo estas nova saniga metodo. Nun oni ekzercas sin ankau
per aliaj metodoj, kiaj skermado kaj akva kalistenio efikaj por
sveltigi la figuron, kiuj multe diferencas de la antaua fizika ekzercado.
Antaue,
por sanigo oni faris nur longdistancan kuradon kaj ludis korbopilkon,
volanon, tablotenison k.a. en vaka loko de lernejo, fabriko, institucio
au proksime de la loghdomoj. Ech hodiau vidighas tabloj por tabloteniso
masonitaj el brikoj kaj cemento. La homoj, nelonge post liberigho
el malsato kaj malvarmo, faris fizikan ekzercon ghuste per tiaj
simplaj instalajhoj.
Komence,
kiam iuj junaj homoj faris ritmoplenan kalistenion, oni ne alkutimighis
al tio kaj opiniis, ke la vestoj estas tro maldikaj kaj diafanaj,
kaj ne trovis la rilaton inter tiuj dancosimilaj movoj kaj fizika
ekzercado.
Kun
la socia disvolvigho la chinoj sentis pliighon de la viv-ritmo kaj
pliighis la premo de laboro. Oni deziras bonan sanon por la chiam
pli akrighanta konkurado kaj deziras antau chio sanon kaj pli da
sportoj. Pli kaj pli da homoj ekagis lau la TV-programero "5
minutoj por saniga ekzercado chiutage" kaj la saniga ekzercado
ekcirkulis en la urba vivo.
La
sola kalistenio ne povas kontentigi la homan bezonon. Oni ekshatis
sin ekzerci per gimnastiloj, danco, bokso, lukto, baleto kaj aliaj.
En
saniga ekspreso
Oni
faras fizikan ekzercon ne nur en sporthalo, sed ankau ekster ghi.
En Pekino oni precipe shatas montogrimpadon. Xiangshan-monto, en
la okcidenta antauurbo de Pekino, estas fama antaue pro siaj rughaj
folioj en autuno, sed nun pro amasego da montogrimpantoj, kiuj plejparte
estas emeritoj. Frumatene la emeritoj per autobuso veturas tien
kaj che sunlevigho ili jam atingas la montosupron. Ili opinias,
ke stari sur la montosupro samkiel gejunuloj markas, ke ili estas
viglaj kaj vivoplenaj, kaj la fresha aero, belaj koloroj kaj naturaj
pejzaghoj multe interesas ilin.
S-ro
Liu estas 66-jara emerito. Li loghas en Huayuancun de Haidian-distrikto.
Post emeritigho li ofte veturas al Xiangshan-monto kune kun sia
edzino kaj nun li kaj lia edzino estas sanaj kaj ech pli fortaj
ol antau la emeritigho. Antau nelonge ilia filino konfidis sian
5-jaran filon al ili. La maljuna geedza paro amas la filinon kaj
nepon, sed ne volas forlasi montogrimpadon, tial nun ili zorgas
pri la nepo kaj montogrimpas alterne. Chiusemajne ili grimpas monton
3 fojojn. Kvankam ili farighis pli okupitaj, tamen ili ghuas pli
multe de la emerita vivo. Ja estas vere, ke iuj preferas ekzercadon
ekster la sporthaloj pro malsama koncepto pri konsumado. S-ino Wu
diris, ke shiaj kompanoj plejparte preferas montogrimpadon, promenadon
en parkoj kaj matenan ekzercadon. Ili opinias, ke pro la gimnastado
en sporthalo oni devas elspezi centojn da juanoj chiumonate, kion
ili ne povas elteni.
Nun
estas multaj metodoj por fizika ekzercado. La urbaj parkoj malfermighas
je la 6-a horo matene. Kaj oni povas viziti ilin per monata au jara
bileto. Nun en plansetlejoj estas senpagaj sportaj aparatoj, per
kiuj oni povas fari fizikan ekzercadon proksime de sia loghejo.
Oni povas ankau fari kolektivan dancon sur placoj, kie ofte vidighas
junaj kaj maljunaj dancantoj. Post vespermangho oni promenas strate.
Proksime de mia domo ofte vidighas multe da promenantoj.
La
sukceso de la fizika ekzercado havas neniun rilaton kun alta mon-konsumado,
sed strikte rilatas kun la scienca elektado. En Xiangshan-parko
okazis plurfoje subita malsanigho kaj vundigho de maljunuloj. Pro
tio la parko fondis sav-tachmenton. Iuj maljunuloj tute ignoras
sian maljunecon kaj pro senzorgemo ofte faras lacigan sporton kaj
kauzas vundon.
La
bonhavighintaj chinoj deziras bonan sanon. La saniga aktivado de
la tuta popolo ja ghuste montras tiun esperon de la china popolo.
|