Nun
pli kaj pli multighas homoj amantaj vintran naghadon. En 19 chinaj
urboj fondighis societoj de vintra naghado kaj dek mil homoj ghuas
sian hobion.
Vintra
naghado en Pekino komencighis antau pli ol 60 jaroj, kaj la plej
preferata loko por naghado estas Shichahai-lago.
Maljunaj
pekinanoj diris, ke Shichahai estas pli maljuna ol Pekino. La lago
situas en la centro de la antikva kvartalo de Pekino kaj estas startpunkto
de la 1442-kilometra Granda Kanalo inter Pekino en nordo kaj Hangzhou
en sudo. Poste la navigacio en la kanalo estis rompita de urbomuro,
kaj la loko farighis multe preferata pitoreskejo.
Al
la lago venadas homoj en miro. Ili palpas malvarmajn brakojn de
la naghantoj kaj demandas: "Chu malvarme?" Kaj ili falas
en pli grandan miron, kiam ili vidas, ke la naghantoj elakvighas
kaj vershas sur sin malvarman akvon. Kaj la naghantoj diras klarigante:
"Se per kranakvo, ni havus la senton en sauno."
Preterpasis
usona junulo, kaj tiu diris elshovante la langon: "Se mi ensaltos,
mi mortos." Kaj la naghantoj diris al li sherce: "Ne gravas.
Ni savos vin." Kaj che tio levighis gaja rido.
Subite
mi audis ekkrion - ha, la naghantoj shatas krii. En frosta venta
tago, kiam naghantoj demetas vestojn kaj saltas en akvon, ili gaje
salutas unu alian per krio.
Unu
el la naghantoj konigis al mi multajn bonojn de vintra naghado.
Unue,
forta stimulo de frosto plibonigos la nervan sistemon kaj la mikrocirkulan
sistemon. Multaj mezaghaj kaj maljunaj naghantoj sin liberigis de
hipertensio kaj artrito dank' al la forta stimulo de vintra naghado.
Due,
naghado estas komplete malstrecha movado, inkluzive de la movoj
por antaupreparo kaj finigho.
Trie,
oni venas naghi kelkope, kio donas al ili ghojon pro kunestado de
amikoj.
Kaj
la alia bono estas tio, ke tia ghojo ne pagigas. Por tenisludo au
golfludo oni devas pagi, kaj tio estas iom luksa sporto por ordinaraj
homoj. Ili ne bezonas pagi por vintra naghado.
S-ro
Wei konsentas kun tio kaj shatas rakonti al aliaj sian spertajhon.
Li diris, ke li ekamis vintran naghadon jam en la agho de mezlernejano.
Chiutage li bicikle venis al Shichahai kaj naghis dekkelke da minutoj
antau ol bicikli al la lernejo. Ghis nun li persistis en tio jam
12 jarojn.
Li
diris, ke la momento antau ensalto en akvon estas dolora. En trancha
vento, rigardante akvon kun glacio, li jam sentis tranchan doloron.
Chiufoje li volis retirighi serchante diversajn pretekstojn. Sed
fine li venkis sin, kvazau li audus kuraghigon: "Vi nepre devas
venki timon!" Kaj li demetis la vestojn, vershis malvarman
akvon unue sur sian vizaghon, poste sur la brakojn kaj bruston.
Kaj antau ol frosto trapenetris la korpon, li subite sin pafis en
la akvon.
Kiam
li reakiris la spiron post fortaj movoj, li jam ne sentis tranchan
doloron kaj perceptis senprecedencan ghojon kaj komforton.
Lin
Yaowang estas unu el la amantoj de vintra naghado. Li estas specialisto
de transistoraj materialoj en la China Akademio de Sciencoj. Lia
esplorado trovighas en monda nivelo. Li atribuis sian sukceson al
la vintra naghado komencita antau 23 jaroj.
Autune
de 1977 la 40-jara Lin estis en strecha kaj esperiga esplorado.
Sed tiam li sentis oftan kapturnon kaj rapidan malbonighon de memorado
kaj li devigite flankenmetis la esploradon kaj enhospitalighis.
En chagreno li promenis apud Shichahai kaj vidis, ke oni naghas
en vintra tago. Unue li ne povis kompreni, sed poste li ekhavis
la deziron provi tion. Post suficha sinpreparo psike kaj materie,
li komencis naghi en la lago en frua autuno kaj daurigis tion ghis
vintro. Li ekshatis tion kaj ne povis chesi. Ekster lia atendo,
li farighis pli kaj pli sana pro vintra naghado.
En
1989 li iris al Usono por 3-jara esplorado. Liaj kolegoj en laboratorio
diris en admiro: "Lin laboras tre bone. Li neniam petis forpermeson
pro malsano, nek vizitis kuraciston. Vere mirinde!" En tiuj
3 jaroj Lin persistis en vintra naghado kaj usonanoj admiris lian
bravecon.
Ne
nur en Pekino, sed ankau en multe pli frosta Harbin en la nordoriento
de Chinio estas multaj homoj persistantaj en vintra naghado.
Estas
diro, ke vintra naghado en Harbin estis iniciatita de europanoj
loghantaj en Harbin. Ili difinis daton kaj dungis kelkajn chinojn
por fari truon sur la glaciighinta Songhua-rivero. En trancha vento
ili demetis la vestojn, faris kelkajn strangajn movojn, englutis
kelkajn glutojn da forta brando, atente kaj kriegante ensaltis en
la truon. Post 4-5 sekundoj ili tuj elrampis kun korpo purpurighinta
pro frosto. Iliaj dentoj forte kunfrapighis. Oni volvis ilin per
dika shaflana litkovrilo kaj forveturigis ilin.
La
brava faro de la europanoj estis imitata de multaj bravaj urbanoj
de Harbin, kaj ili naghas chiutage tra la tuta vintro.
La
naghantoj prenas kiel naghejon la lokon en Songhua-rivero, kie la
glacia tavolo estas malplej dika. En trancha vento viroj kaj virinoj
sentime saltas en glacian akvon kaj naghas en diversaj manieroj
facilaj kaj malfacilaj...
Fervora
partopreno en vintra naghado faris ghin regula sporta konkurso de
la urbo. La Harbin-a Asocio de Vintra Naghado chiujare okazigas
konkurson. Oni difinas oblongan terenon en la rivero kaj forigas
la glacion. En la baseno ili faras konkurson de plongho kaj nagho.
La
spektaklo altiras multajn rigardantojn. Kvankam dike vestitaj en
vata au pelta surtuto, la rigardantoj tremas per la tuta korpo de
frosto. Dum la naghantoj en glacia akvo montras grandan viglecon.
|