"Kiom malproksime distancas de ni tokso? Mi povas diris al vi, ke ghi estas tuj apud vi. Tenu vin fore de ghi. Sed mi devas chiutage batali kontrau la diabla tokso." Jen kora konfeso de iu virino en sentoksigejo.

En sopiro al la familianoj

Venas flegistino

Retrovi memfidon

Kuragho

Vestofarado por la filino

En gajo

Espero en senelirejo

Postsigno de toksoinjektado

    Antau kelke da jaroj shi ekfumis tokson pro la influo de la edzo. Shi diris: "Mi falis en grandan doloron. Foje kiam mi iris al infanghardeno por preni mian 5-jaran filinon, min atakis toksomanio. La filino petis acheti por shi lakton, sed mi havis neniun groshon. Mi konsolis shin: 'Mi ne havas monon, sed mi povas porti vin hejmen sur mia dorso.' Mi iris larmante kaj oscedante. Mi prodigis mian tutan havajhon de pli ol 200 mil juanoj (tiu sumo estas 10-jara enspezo de ordinara salajrulo de Pekino - trad.), sed mi ne havis groshojn por acheti lakton por la filino."

    "Che la komenco mi toksofumis en la litochambro. Kiam mi fumis, la filino kushis che mi kaj kompreneme diris al mi: 'Pajno, vi fumu, mi ne abomenas vin, nek ghenas vin.' Poste mi trovis, ke la filino ensorbighis de la fumo kaj ne povis endormighi sen fumo de tokso. Timante damaghi la filinon, mi komencis injektadon."

    En la Centro de Memvola Sentoksigado en la urbo Xiangfan de Hubei-provinco mi intervjuis 29-jaran virinon Fang Ling. Shi diris al mi, ke por la bono de la filino, shi memvole venis al la centro.

    Ankau Chen Xue estis toksighemulino. Shi fumis tokson jam 3 jarojn. Pro toksofumado shi prodigis la tutan havajhon kaj rikoltis malamon de la familianoj. "Chiutage mi devis peni por akiri monon por acheti toksajhon. Kiel doloraj tagoj!" Shi ne volis rememori sian pasintajhon.

    Finfine, Fang Ling kaj Chen Xue venis en akompano de siaj familianoj al la Centro de Memvola Sentoksigado de Xiangfan respektive en junio kaj oktobro de 2001.

    La tagoj en la centro estis doloraj. Unu tagon post veno al la centro Chen Xue jam bedauris pro la alveno. "Chiutage mi gape pensis pri la ghuo de toksajho. Kiam min atakis toksomanio, mi freneze tumultis kontrau la flegistoj kaj aspiris injekti tokson." Shi ech havis la intencon transgrimpi la chirkaumuron de la centro por fughi. Sed fine shi venkis la toksomanion danke la helpon de la flegantoj.

    Fang Ling pasigis 4 monatojn en la centro kaj la korpopezo kreskis de 40 kg. al 60 kg. Nun shi povas ne nur sin deteni de tento de tokso, sed ankau admoni novvenintojn.

    "Antau ekfumo de tokso mi estis memfida homo, kaj nun mi volas reakiri la memfidon kaj ghuste lokalizi min en la socio," diris Fang Ling.

    Che la litokapo de Chen Xue staras nova foto de shi kaj Fang Ling. Chiufoje, kiam shi volis chesigi sentoksigadon, Fang Ling admonis kaj kuraghigis shin. En la foto ili ridetante ghuas la kareson de la suno. En iliaj okuloj oni legas memfidon pri la sukceso de sentoksigado. Chen Xue diris: "Mi sendos kopion al mia patrino, por ke shi vidu, ke mi fartas multe pli bone ol antaue, ke mi estas memfida pri la sukceso de sentoksigado."

    Nun Fang Ling estas trikanta rughan lanveston por sia filino. Shi intencas partopreni en kunveno okazigota de la lernejo antau la vintraj ferioj por la gepatroj de la lernantoj. "Pasiginte la Printempan Feston kune kun la filino, mi adiauos chi tiun lokon kaj komencos novan vivon."

    Sed antau ol ghisfine forigi la toksomanion, ili ne volas reiri hejmen.

    Antaue de tempo al tempo reaperis en ilia memoro la plezuro de fumado de tokso. Sed nun pli multe ilin incitas la morna rigardo kaj plorado de la infanoj. Tio dolore pentigis ilin.