Manekena Trejna Kompanio Ouge de Pekino (Limigita) situas en nordoriento de Pekino. La 20-jara Shi Wei estas manekeno kaj ankau ghia direktoro. Shia manekena kariero kaj kompanio iris neglate.

Revo pri manekeno

     En 1996 Shi Wei estis 14-jara kaj tiam shi altis jam 1.76 metrojn kaj plie shi estis lerta en kantado kaj dancado. Fininte studon en elementa mezlernejo, shi decidis daurigi sian lernadon en manekena sekcio de Nanchang-a Gimnazio.

    Post unu jaro, oni diris al shi, ke arta ensemblo de modaj fasonoj varbas lernantojn. Shi do anoncis sin por tio. Instruisto Wang opiniis, ke Shi estas promesplena kaj akceptis shin.

    Tie shi estis rigore trejnata de Wang. Shi malofte revenis hejmen. En varma somero pluraj knabinoj retirighis pro rigoreco en la trejnado. Kvankam al Shi Wei doloris la tolio kaj dorso, spasmis la suroj, kaj shi shvelighis tutkorpe kaj suferis de miliara erupcio, tamen shi persistis pro granda aspiro en kariero. Oni diris al shi, ke Wang Min, shia samklasano, gajnis honoron de supera manekeno en la agho de 16 jaroj. Shi pensis: "Mi certe sukcesos kiel Wang." De tiam shi ekzercis sin pli diligente.

    Post unujara rigora trejnado, shia staturo, agmanieroj kaj arta klereco progresis rapide. Autune de 1998, gvidate de la instruisto, Shi Wei kaj shiaj 4 kamaradinoj venis al Pekino por partopreni la tutlandan manekenan konkurson.

Malsukceso

     Aprile de 1999, Shi Wei partoprenis konkurson de manekenoj. Tiam multaj fakuloj kaj rigardantoj alte taksis shin, tamen pro neatendita kauzo shi ne partoprenis la finalan konkurson.

    Junie de la sama jaro shi partoprenis konkurson de ELLE en Chinio kaj gajnis la unuan premion, kaj per tio shi estis atentata de la jhurnalismo. Multaj fakuloj, jughantoj de la konkurso kaj projektistoj alte taksis shin, opiniante, ke shi havas grandan certecon gajni championecon, sed la rezulto estis ekster atendo: Shi perdis rajton partopreni finalan konkurson, ke shi estis post la unuaj 15 lokoj.

    La realo estis kruela. Shi Wei, malproksime de la hejmloko kaj familianoj, preskau perdis la memfidon.

    Tiutempe Meng Guangmei, mondfama manekeno, speciale invitita gasto de la konkurso, kuraghigis shin: "Mi spektis vian prezenton. Vi profunde impresis min. Ne perdu la fidon. Vi estas juna. Sciu, oro neniam perdos la brilon."

    La vortoj de Meng profunde emociis shin. Shi decidis resti en Pekino por sia kariero kaj akcepti novan defion.

Fortuno favoras bone sinpreparintan homon

     Decembre de tiu jaro okazis granda konkurso de chinaj manekenoj kaj Shi Wei partoprenis ghin. Shi distingighis el la 38 belaj knabinoj. Shi farighis championino. Samtempe kun tio shi montris sian apartan temperamenton kaj talenton. Tio donis al shi novan shancon de sukceso.

    Fama vestokompanio "Jada Libelo" engaghis shin por demonstra figuro de la kompanio. Ankau aliaj famaj entreprenoj faris shin tia figuro.

    Shi plene montris sian genion kaj dece demonstris diversajn kompaniojn kaj iliajn produktajhojn. Tio ne nur famigis shin, sed ankau portis al shi rimarkindan enspezon. Shi ne kontentis pri ghuo kaj komforto. Shi volis havi sian propran kompanion, char shi opiniis, ke kun sia kompanio shi havos bazon de la kariero.

    En 2000 shia manekena kompanio Ouge fondighis en Pekino kaj tiujare shi, 18-jara, farighis direktoro kaj leghopersono de la kompanio.

    En 2001 shi kaj shiaj manekenoj vizitis Australion, kie shiaj manekenoj prezentis vestojn fasonitajn de fama olimpika pentristo. Tio estis la unua granda afero de shi kaj shia kompanio.

    Shia demonstrado brile sukcesis. Chiufoje la rigardantoj alte levis rughan tukon kun la vortoj "Sukceson al Chinio en ghia invito de Olimpikoj en 2008" kaj ilia demonstrado foje refoje vekis varman aplaudon.

    Shi planas havi sian translandan kompanion post kelkaj jaroj.