Printempe
de 2003 Chinio spertis senfajran militon. Ghia chefurbo Pekino devis
elteni senprecedencan provon. La damninda SARS severe kaj rapide
atakis pekinajn loghantojn, kio estis tute ekster la atendo. La
20-an de aprilo la Ministerio de Sano de Chinio publikigis, ke tiutage
en Pekino estas 339 SARS-malsanuloj. La 27-an de aprilo la totala
nombro de SARS-malsanuloj en Pekino superis 1000. La 29-an de aprilo
aliaj 152 homoj malsanighis je SARS. Ghuste ekde tiu tago, lau arangho
de la gvidanto, mi plenumis mian oficon hejme.
Malfaciloj
Mi estas raportisto de reta El Popola Chinio. Chiumonate mi devas
konigi al niaj legantoj shanghighon de la china socio kaj diversajn
aferojn de Chinio. Mi bone scias, kial la gvidanto aranghis, ke
mi laboru hejme en la tempo, kiam furiozis la epidemio SARS: Por
maloftigi eldomighon kaj malpliigi la eblecon infektighi. Sed mi
ne atendis, ke mi devas shanghi mian vivmanieron por konformighi
al la nova arangho dum pli ol 50 tagoj kaj mi devas shanghi ankau
miajn labormetodojn.
Hejme neniu ghenis min, mi ne ripozis, mi konscie laboris. Tio ja
ne estis facile.
Antau
chio mi devis krei etoson utilan al la laborado. De tiam mia hejmo
ne plu estis loko sole por mia malstrechigho, sed serioza oficejo.
Mi denove aranghis la legochambron: Mi formovis la librojn, ne bezonatajn
por la laboro. Mi pendigis okulfrapajn kaligrafajhojn: "Eksterordinara
laboro". Kaj post tio mi aranghis mian laboron: selekti temon,
elekti fotojn, difini la horojn por detali la laboron. Chiufoje,
kiam mi sidis tie, mi zorgis ekskluzive pri temoj, artikoloj, materialoj
kaj fotoj. Mi rifuzis chiujn hejmajn bagatelojn.
Mia
maltrankvilo pri perturbo de retposhto
Laborante hejme, for de la redakcio kaj miaj kolegoj, mi neniom
malstrechis min. Mia laboro nedisigeblas de komputilo kaj interreto,
retposhto kaj telefono. Por garantii glatan plenumon de la chiutaga
laboro mi devis bone protekti mian hejman komputilon.
Lunde, post plurfoja polurado mia artikolo "La pandoj kunekzistos
longatempe kun la homaro" estis preta kaj mi devis sendi ghin
retposhte al la redakcio. Tiam estis iom pli malfrue ol la tria
horo posttagmeze. Sed ho ve! Mi neniel sukcesis sendi ghin retposhte.
En mia hejmo mankis larghrubanda ekipajho kaj antaue mi ligis mian
komputilon al lineo de telefono. Tiam senchese signalis modem
ekster la aparato. En la redakcio mi chiam uzis regionan reton,
kaj se estus ia perturbo, ghin traktus la funkciulo, kiu speciale
zorgas pri komputiko. Sed tiutempe mi devis mem solvi la problemon.
Urghis la tempo. Mi jam diris al mia redakcio, ke tiutage mi nepre
sendos al ghi la artikolon, char post tio miaj kolegoj devas ekzameni,
poluri, traduki kaj surretigi la tekston. Tial mi demetis la modem
kaj veturis kun ghi al vendejo de komputiloj. Sed pro SARS, la vendejo
fermighis pli frue ol kutime je du horoj. Mi devis do reveni hejmen
kaj en la sekvanta mateno mi portis diskon al la redakcio.
Kuraghigo
de la batalo kontrau SARS
Samkiel aliaj raportistoj, mi ne povas resti hejme senfare. En la
eksterordinaraj tagoj ili kontaktis la socion kaj popolon per aliaj
manieroj. Se ili chiam restus hejme senfare, ili sentus malkutimighon.
La
1-a de junio estas la Internacia Infana Tago. Tiutage en Chaoyang-parko
de Pekino okazis aktivado kun la temo "Chinio en eksterordinaraj
tagoj". La naivaj infanoj en blanka T-chemizo flugigis kajtojn
dukolorajn: nigra kaj rugha. Ili flugigis sian bondeziron al la
bela morgauo, al la malproksima chielo. Ili deziris al chiuj sanon
kaj sukceson en laboro. Iuj deziris, ke la medicinistoj renkontighu
kun siaj familianoj kiel eble plej baldau kaj la SARS-malsanuloj
kiel eble plej rapide resanighu.
"Etendu viajn manojn, etendu miajn manojn! Ni chiuj etendu
niajn manojn kaj ni farighos fortaj."
La loghantoj de la chefurbo firme unuighis en la batalo kontrau
SARS. En tiuj malfacilaj tagoj ili ne plendis unu kontrau alia,
sed subtenis kaj kuraghigis sin reciproke kaj faris ech chiun bagatelon
kaj batalis kontrau SARS chiamaniere.
La subite furiozighinta SARS multe meditigis Pekinon, kiu faris
chion eblan por shanghi la malbonon en bonon. Evidente plirapidis
konstruado de alarma kaj kontrola sistemoj, sistemo por raporti
la epidemian staton kaj preventa sistemo en loghkvartaloj, iom post
iom perfektighis la publika higiena sistemo kaj plifortighis la
kapablo por trakti subitajn kaj krizajn aferojn, iom post iom perfektighis
la sistemo por publikigi informojn, levighis la kunordiga kapablo
de diversnivelaj registaroj kaj laborefiko de la administracioj...
Chio chi tio multe utilas al ekonomia disvolvigho de la urbo, fundamenta
realigho de modernigo kaj gastigo de sukcesaj Olimpikoj en 2008.
SARS donis ankau apartan lecionon al la loghantoj de Pekino. Ili
ekhavis konscion kulturi sian bonan higienan kutimon kaj levis sian
konscion pri publika higieno. Kaj krom tio enradikighis en la chiutaga
vivo kaj laboro sciencoj, racio, devoj kaj amo. Multe da urbanoj
diris: "Unuanime ni venkas la malfacilojn en komuna afero.
La pekinaj loghantoj estas pli firme unuigitaj!" Nun oni jam
eliris el la ombro de SARS.
Gajninte venkon en la senprecedenca batalo kontrau SARS, Pekino
pli larghe malfermos sian pordon kaj certe farighos pli bela, matura
kaj firmvola.
|