Rigardo por la lasta fojo al la barako

    La jaro 2000 estis falicha jaro por 34-jara Wang Zhongqu, char en tiu jaro li sukcesis en ekzamenoj por esplor-studento.
    Wang estis filo de kamparano en la gubernio Juxian, Shandong-provinco. En siaj lernojaroj li plenumis hejmtaskojn sur la benko farita el adoboj. Malgrau la malbonaj lernokondichoj, li chiam estis bona lernanto. En 1984 li sukcese trapasis ekzamenojn kaj farighis studento de loka universitato.

    En la universitato Wang estis silentema, sed pensema kaj imagema. La filozofioj china kaj alilanda ege plachis al li kaj tro multe okupis lian tempon, ke li prokrastis multajn ekzamenojn. Pro tio la universitato ordonis al li forlasi sian studadon en 1987.

Inter kamparano-domkonstruistoj

    Wang Zhonggu denove farighis kamparano. Terkulturante en silento, li sopiris ankorau pri la ekstera mondo. 5 jarojn poste li forlasis sian naskighlokon kaj eklaboris aliloke kiel domkonstruistoj. Li neniom diferencis de aliaj laboruloj, kaj dum lia 8-jara domkonstruista vivo, neniu el liaj kunlaborantoj sciis, ke li iam estis studento.

    Malsame de aliaj kamparano-domkonstruistoj, li shatis acheti kaj legi librojn post laborado. Iuj ne komprenis lin kaj opiniis, ke li estis tre laca, sed li ne konsentis kun ili. Li estis ankorau inklina al la filozofioj china kaj alilanda, char li opiniis, ke lia reala vivo plena de penado ege konformighis al filozofio.

En laborpauzo

    En la tagoj, kiam li laboris kiel kamparano-domkonstruisto, li vivis malriche kaj penege, tamen ghuis senegoisman amon. Pli ol 30 samlokanoj de la Shandong-a Universitato kune achetis por li 20 volumojn por relernado; prof. Gao Chenyang, dekano de la filozofia fakultato, dufoje skribis al li por kuraghigi lin senchese strebi. Poste, lau propono de iu el liaj kamaradoj, kiu studis kiel esplor-studento en Nankai-universitato, li sin anoncis por la ekzamenoj por esplor-studento kaj post la kvarfoja ekzameno li finfine sukcesis.

    La 26-an de aprilo 2000 li farighis esplor-studento de la filozofia fakultato de la Shandong-a Universitato, sed bedaurinde prof. Gao, kiu chiam gvidis lin en lia studado antaue, ne povis dividi lian ghojon, char li forpasis. Lia edzino donacis lian europ-stilan veston al Wang. Li bone ghin konservis kiel amon kaj esperon de sia instruisto. Kun plena espero al la vivo Wang komencis sian novan karieron.

    Chiujare dekoj da milionoj da chinoj eniras en urbojn por labori kiel dungitoj kaj nur dekmil povas studi kiel esplor-studentoj. Wang estas unu el la tre malmultaj, kiuj farighis esplor-studentoj el kamparano-domkonstruistoj.