La
china akrobatiko estas longhistoria kaj firme bazita sur popolaj
moroj. Wuqiao de Hebei-provinco, Liaocheng de Shandong-provinco
kaj Yancheng de Jiangsu-provinco estas ghiaj luliloj. Oni
diras, ke en Wuqiao chiuj povas ludi akrobatajhon, inkl. de
infanetoj kaj centjaruloj. En la lastaj jaroj la china akrobatiko
ne nur venkis multajn teknikajn malfacilojn, sed ankau shanghighis
en la akrobataj kostumoj, rekvizitoj kaj sceneja dekoracio.
Ghis nun chinaj akrobatajhoj gajnis pli ol 100 orajn medalojn
en mondaj konkursoj.
Guinness-rekordoj
de akrobatajhoj
Chi-sube
mi pritraktos la Soldatan Akrobatan Trupon de la Kantona Garnizonejo,
kies ludoj estas altnivelaj kaj tre bele aranghitaj.
La
akrobatajho "En la Firmamento - Seghosvingo de Virinoj"
konsistas el 8 sinsekvaj transkapighoj malantauen chiu kun
720 gradoj, transkapigho de 1440 gradoj en la aero kaj 3 sinsekvaj
transkapighoj. La malfacilaj kaj dangheraj movoj montras la
homan ambicion konkeri la kosmon. "Trairi Teran Ringon"
postulas, ke la aktoroj transsaltu la ringon 3-foje, sin fleksinte
trairu la ringon 3-foje kaj sin turnu 360 gradojn por trairi
la ringon 4-foje. Iu aktoro 5-foje transsaltis la ringon 2.46
metrojn altan, per kio li starigis Guinness-rekordon.
Naciaj
trajtoj
Auguste
de 1998 en la Nederlanda Regha Operejo che rivero de Amsterdamo
regis forta orient-nacia arta etoso. 12 rughaj lanternoj kun
12 jar-simbolaj bestoj kaj centoj da diversformaj lanternoj
brilis super la scenejo. La malforta lanterna lumo donis misteran
orientan etoson. En tiu atmosfero levighis lanternoj por la
granda china akrobatika vespero "Brilas Rughaj Lanternoj".
Jen
levighis la kurteno. Brilis granda rugha lanterno. En klarionado
ekbrilis ankau la 8 rughaj lanternoj ambauflanke de la scenejo.
Surscenighis geaktoroj en vestoj nigraj kaj rughaj akompanate
de orienta muziko, alte tenante po unu rughan lanternon kaj
svingante po unu rughan silkan rubandon. La china nacia etoso
forte allogis la rigardantojn.
La
vespero ne nur paradis per tradiciaj rughaj lanternoj de Chinio,
sed ankau elspiris la nacian spiriton per sia richa repertuaro.
Mi ghuis la akrobatajhon "China Novedzino kun Rugha Kaptuko".
Juna novedzino kun rugha kaptuko sidis sub rugha lanterno.
Shi deprenis la tukon kaj lerte turnadis ghin per la manoj.
La orienta knabino charmis la rigardantojn per sia lerta akrobatiko.
La ludo montris la charman allogon de la china knabino.
La
granda vespero "Animo de Chinio" prezentita de la
China Akrobatika Trupo, Pekino, bone montris akrobatikon,
ushu-on, dancon kaj operon kaj multe ghuigis la spektantojn.
Sur la scenejo vidighis la impona Granda Muro, antikva imperiestra
palaco, popola kvadrata loghejo en pekina stilo, ili chiuj
elspiris tipajn naciajn trajtojn. Jam de sia komenco la vespero
forte interesis la eksterlandajn rigardantojn. Ghi estis prezentita
en Novjorko, Dallas, Houston, Atlantika Urbo kaj aliaj lokoj
de Usono kaj faris sensacion en tiuj lokoj.
Konforme
al la karikatura filmo "Mulan", chinaj akrobatoj
prezentis la akrobatajhan serion "Mulan" kun rakontaj
intrigoj verkitan de la Europa Guinness-ensemblo, kio multe
ghuigis la eksterlandajn rigardantojn. En la unua sceno aro
da junaj knabinoj bele dancis, turnante telerojn kaj ludante
diabolon por montri la felichan vivon antau la milito. En
la tria sceno "Solenado de la Triumfo" estis leon-danco,
ludo de ventumiloj kaj piedludo de seghoj kaj fine imperiestro
prezidis la nupton de heroino Mulan kaj generalo Shang. Sur
la scenejo sinsekve prezentighis ludo de vazego, danco kun
rughaj silkaj rubandoj kaj kolektiva ludo de ushu-o. Jen levighis
jen mallevighis la ora kaj arghenta drakoj... Tiam la ludo
atingis sian kulminon. La direktoro de la prezenta departemento
de Guinness-ensemblo diris: "Tio estas la plej bela ludo,
kiun mi rigardis post la fondigho de nia departemento."
|