En grandaj chinaj urboj vivas tiaj homgrupoj, kiuj havas altan klerecon, grandan intelekton kaj multan enspezon, sed samtempe devas elteni grandan premon de laboro kaj aferoplenan vivon.

    Ilia dejhoro estas elasta, sed fakte ili plenumas sian laboron tage kaj vespere, char la salajro dependas de kvanto kaj kvalito de la laboro.

    Pro okupiteco kaj serioza priatento al privata sekreto ili ne povas tro intimighi kun siaj kolegoj. Ili havas horaron por sia laboro, char prokrasto signifas perdon de ilia enspezo kaj honoro de ilia kompanio kaj ili mem.

    Ili naghas en Interreto kaj akceptas multajn informojn. Por ili oficvojagho estas parto de ilia chiutaga vivo. Ili traktas laboron inter urboj, akiras informojn kaj staras sur la fronto de sia profesio. Kun la kontentiga salajro ili devas plene sin dedichi al laboro. Por ili perfektigo kaj lernado de novaj scioj estas nepre necesaj. Tial ili ofte devas labori kaj studi ghis nokto.

    Kompare kun aliaj chinoj ili ofte shanghas sian laboron. Kaj kialoj estas diversaj: au malkontentiga enspezo, au deziro al nova labormedio k.s. Fakte la laboro jam kunfandighas kun ilia vivo kaj farighas parto de ilia vivo. Ghuste pro tio al ili mankas tempo zorgi pri la privata vivo, el kio naskighas problemoj.

    Ili sekvas modon kaj faman markon por chiutaga necesajho. Ili elektas restoracion, bazaron kaj loghejon, kiujn ili shatas. Ili povas acheti loghejon elegante dekoraciitan en bona kvartalo. Ili posedas kelkajn kreditajn kartojn kaj havas personauton. En libera tempo ili au prenas manghon en restoracio au babilas kun amikoj en restoracio, drinkejo au kafejo. La laboro donas al ili grandan premon, la vespera vivo ripozigas ilin.

    Por ili bonaj kondichoj de vivo kaj granda premo de laboro samtempe ekzistas. Unuflanke, kompare kun multaj aliaj chinoj ili fieras pro sukceso en laboro, sed aliflanke la granda premo de laboro ilin strechas. La felicho, pli precize, ghojo de vivo shajnas al ili shtelita en intertempo de laboro.