En
Chinio oni festas Printempan Feston en malsamaj manieroj en
diversaj lokoj. La festmaniero de la Printempa Festo en Pekino
antau 100 jaroj shajnas iom malproksima kaj mistera por la
nunaj pekinanoj.
Intensa
preparado en la lasta monato
Lau
la china luna kalendaro la lasta monato de la jaro estis kulta
monato. En tiu monato pekinanoj komencis adiaui la malnovan
jaron per kultado al la forno-dio kaj pendigo de distikoj.
En
tiu monato pekinanoj shatis umefloron opiniante, ke la floro
estas simbolo de virto. Oni shatis kompari umefloron kun ghentlemano
kaj virto. Krome ankau orkideo, bambuo kaj krizantemo estis
rigardataj kiel ghentlemanoj. Oni shatis ornami sian chambron
per umefloro. Ankau persika brancho estis uzata kiel ornamajho.
En vigla komerca strato oni starigis standojn kovritajn per
mato por vendi florojn kaj bildojn.
En
la unua tago de la lasta monato la stratoj estis borderitaj
de multaj standoj de kacho, fruktoj kaj aliaj manghajhoj.
Multaj kolportistoj krie ofertis vektoportante korbojn da
varoj. En la 10-a tago de la monato oni ekvendis portretojn
de pordodioj kaj tre diversajn novjarajn bildojn. Post la
20-a oni vendis maltajn sukerajhojn kaj dolchajn kukojn. En
la 23-a tago oni oferis nigrajn sojfabojn kaj furaghon al
la chevalo de la fornodio. En la stratoj oni vendis ankau
porcelanajhojn, incensujojn kaj kandelingojn. Oni donacis
al infanoj shparmonujon, por ke ili deinfanece sciu shpari
monon kaj vivi mallukse. Post la 25-a tago oni vendis sezamajn
tigojn kaj branchetojn de pino kaj cipreso, kiujn oni bruligis
frumatene de la unua tago de la nova jaro. En tiu monato la
prezo de chiuj vendajhoj estis pli alta ol en aliaj monatoj.
En
la 8-a de la kulta monato pekinanoj senescepte preparis Laba-kachon
el rizo, fabo, jujubo, nuksoj k.a. Tiu moro dauris ghis nun.
Estis
malvarme en vintro kaj varme en somero en Pekino. Por solvi
la problemon teni manghajhojn freshaj en somero, pekinanoj
rezervis glaciajn blokojn en vintro. Ekde la 8-a de la monato
oni elfosis el riveroj kaj lagoj glaciajn blokojn por rezervo.
Unu
semajnon antau la nova jaro pekinanoj kultis fornodion. Oni
starigis foston en la korto por pendigi lanternon. Oni oferis
supon, vermichelojn, rizon, konfitajhojn kaj dolchajn kukojn.
Oni kultis la chevalon de la fornodio per nigra sojfabo rostita
kun rekremento de vino. La viroj ghentile intersalutis, dum
la virinoj purigis la fornon, shmiris ghin per nova argilo
kaj bruligis incenson murmure preghante.
Post
la 19-a tago shtataj dungitoj ekghuis feriojn, la infanoj
ne bezonis viziti lernejon kaj ankau la instruistoj ekghuis
feriojn.
En
la lastaj tagoj de la jaro oni kolektis kaj forjhetis la superfluajn
medikamentojn kaj forbruligis chiujn receptojn en esprimo
de forigo de chiuj malsanoj.
Ceremoniajhoj
en la lasta nokto de la jaro
Antautage
de la nova jaro oni intervizitis por esprimi adiauon al la
malnova jaro. Oni adorklinighis al parencoj de superaj generacioj.
Novgeedzoj devis iri saluti gepatrojn, alie ili estis rigardataj
malghentilaj.
Oni
disshutis en la korto sezamajn tigojn.
Oni
preparis lastan vespermanghon el blanka rizo kaj flava milio
kaj starigis sur ghi pinan kaj cipresan branchetojn ornamitajn
per sapekoj, jujuboj, kashtanoj, longanoj k.a., kiuj devis
resti 5 tagojn. Oni metis en florvazon iom dikajn pinajn kaj
cipresajn branchojn ornamitajn per sapekoj, oraj ingotoj (falsaj)
kaj granataj floroj.
Oni
faris fadenan plektajhon en formo de drako kaj metis ghin
sub la piedon de lito. Oni donis poshmonon al infanoj kiel
novjaran donacon.
Oni
pendigis sur la pordklapoj rughajn paperojn kun distiko.
En
la antaunokto de la nova jaro oni metis en korto longan tablon
por bonvenigi chielan delegiton. Post tio oni bruligis incenson
kaj bruligo dauris ghis la 15-a tago de la unua monato de
la nova jaro.
En
la nokto oni eksplodigis petardojn kaj la tondra bruado dauris
tra la tuta nokto. Oni kolportis diversajhojn ritme kriante
responde al la bruego de la petardoj. Renkontante amikojn
sur strato, oni riverencis unu al alia kaj intershanghis salutvortojn.
Oni preferis resti hejme tiunokte por ghui diversajn frandajhojn
kaj kunestadon de la familianoj.
En
la unua monato de la nova jaro
En
la unua tago de la nova jaro oni frue ellitighis, bruligis
incenson kaj eksplodigis petardojn. Oni intervizitis por esprimi
novjaran saluton kaj la intervizitado dauris kelkajn tagojn.
Oni devis donaci frandajhojn al la vizitato, ekzemple konfitajhoj
el persimono, lichio, longano, kashtano, jujubo k.s. en delikata
pakumo.
En
la unua tago oni kultis diojn kaj prapatrojn bruligante paperajhojn
en formo de sapeko.
En
la unua tagdeko vizitantoj venis al la hejmo de la vizitato
kriante pri sia alveno. Sed la gasto kaj mastro ne bezonis
renkontighi kaj la gasto rapide foriris, postlasinte sian
vizitkarton.
De
la unua ghis la kvina tago oni kutime manghis ghjaozi-ojn
(mola pastajho farchita per hakita viando, legomo k.a., kuirita
en bolanta akvo). Nun oni manghas ilin nur en 2 au 3 tagoj,
au en chiu dua tago.
En
tiu monato la plej interesa estas eksponado de diversaj lanternoj.
Oni delikate skulptis el glacio diversajn bestojn kaj scenojn
de chiutaga vivo, kaj la glaciaj skulptajhoj estis ornamitaj
per lumo.
Foiro en Liulichang-strato (tre fama
kultura strato kun multaj butikoj de antikvajhoj) viglis de
la 1-a ghis la 16-a tago de la monato. Tie oni vendis tre
diversajn librojn, bildojn, gemojn kaj antikvajhojn. Bele
vestitaj knabinoj kaj junulinojoj gaje butikumis en la stratoj.
Ili formis unu el la spektakloj de la Printempa Festo en Pekino.
|