Manghbastonetoj originis en Chinio kaj havas tre longan historion. Ili estas faritaj el maldikaj stangetoj, sed iliaj funkcioj estas tre multaj. Ili estas malmultekostaj sed nemalhaveblaj. En Chinio cirkulas multaj rakontoj pri origino de manghbastonetoj, kaj la plej kredinda estas rakonto pri kreo de manghbastonetoj de Dayu.

    Antau 4000 jaroj diluvo katastrofis kaj Dayu estis taskita forigi la diluvon. Foje li shipveturis al iu insulo kaj falis en malsaton. Li faris fajron por kuiri viandon, sed li ne povis elpreni la varmegan viandon el la bolanta supo. Li ne volis atendi malvarmighon de viando kaj rompis du vergetojn kaj per ili elprenis la viandon el la poto. De tiam li chiam uzis vergetojn au bambuajn stangetojn por elpreni manghajhon el varmega poto. La aliaj imitis lin kaj uzado de stangetoj farighis kutimo en manghado.

    Kiam ne aperis metalaj iloj, kaj ostoj de bestoj estis mallongaj, fragilaj kaj malfacile prilaboreblaj, do oni uzis vergetojn de arbo au bambuo por elpreni varmegajn manghajhojn. Malgrau longa historio, manghbastonetoj ankorau havas la rudimentan formon de stangetoj.

    Kompreneble chia onidiro estas iluziita kaj prilaborita de la homoj de multaj generacioj lau ilia bezono. Kaj kreo de manghbastonetoj de Dayu ne estas escepto. Fakte uzo de manghbastonetoj estis elpensita de la tuta popolo, sed ne de iu individuo. Supozeble manghbastonetoj originis en la tempo de Dayu kaj popularighis en Shang-dinastio kaj estas vaste uzataj ech en la nuna tempo.