Antau
la Printempa Festo chi-jare mi venis al Cangshan-gubernio
de Shandong-provinco por viziti miajn parencojn kaj hazarde
vidis tie edzighofeston de gejunuloj en la vilagho.
En
Yimeng-montaro la popolanoj ne edzighas al proksima parenco,
nek al samvilaghano, nek al tiu kun sama familia nomo. Tie
oni aprobas liberan enamighon, sed ne mankas svatado.
Post
gefianchigho la fiancho devas viziti la familion de la fianchino
en chiuj gravaj festoj kaj fari donacon. Antau geedzigho la
fiancho devas dufoje donaci monon al la fianchino. La unua
mondonaco estas uzata por acheti vestojn por la fianchino,
kaj la dua -- por acheti brakhorloghon, biciklon, kudromashinon
kaj bezonajhojn por chiutaga vivo. Kutime la monsumo estas
1000-3000 juanoj. La familio de la fiancho devas elspezi alian
pli grandan monsumon por konstrui novan domon por la novgeedzoj.
La lasta donaco de la fiancho al la fianchino estas farita
post decido de la dato de la nupto. La familio de la fiancho
devas pretigi invitilon, kokojn, fishojn kaj vermichelojn
el faba amelo faskigitajn per rugha fadeno kaj du shtofpecojn,
por ke la svatanto portu ilin al la hejmo de la fianchino.
Ricevinte
la donacojn, la familio de la fianchino devas prepari doton
konsistantan el shranko, tablo, lavpelvo k.s. Che shia edzinigho
oni shovas en shiajn litkovrilojn diverskolorajn arakidojn,
juglandojn, kashtanojn, jujubojn k.a. nuksojn simbolantajnfruan
naskon deinfanoj kaj felichan vivon.
Unu
tagon antau la nupto la familio de la fiancho faras al la
fianchino "urghigan donacon" konsistantan el rughaj
vatitaj vestoj, rugha kaptuko kaj diademo. La familio de la
fianchino donas karton, sur kiu oni skribis, je kioma horo
ekiros kaj atingos la palankeno, kiom da akompanantoj eskortos
la novedzinon, en kiu direkto staros la palankeno che la foriro
kaj atingo... Vespere la fiancho sendas malgrandan orkestron
por ludi muzikon. La gepatroj de la fianchino pretigas por
la filino kunportajhojn en noktomezo, ekzemple shtofon, rondajn
flanojn, kukojn, cigaredojn, auspician monon eterne konservotan
en la fundo de shranko, shenoprazon, salon k.a.
En
la edzightago la novedzino devas porti sur si rughajn vatitajn
vestojn, verdajn vatitajn shuojn kaj rughan kovrotukon sur
la kapo kaj teni novan mantukon en mano. Liaj fratoj portas
shin tra la pordo kaj en la palankenon. Malgranda grupo da
muzikoludantoj antauiras la palankenon. La nombro de la akompanantoj
devas esti para. Kiam la palankeno atingas la domon de la
novedzo, li eliras por renkonti la novedzinon. Oni elkondukas
la novedzinon el la palankeno kaj la novedzo antauiras shin
tra rugha tapisho (au fragmita mato). Kiam la novgeedzoj trairas
la pordon, oni eksplodigas petardojn kaj ludas muzikon. Poste
ili venas antau tablon en la korto. La novedzo sidas oriente
kaj la novedzino okcidente. Iu el la gastinoj svingetas rughan
fadenon antau la vizagho de la novedzino, kaj la junaj amikoj
shutas sur ilin farunon el tritiko, arakido, kashtano kaj
jujubo. Post tio la novgeedzoj adorklinighas al la chielo
kaj tero, al la gepatroj de la novedzo kaj fine unu al la
alia. Poste ili venas en sian chambron. Kaj komencighas senbrida
shercado, kiun rajtas nur gastoj de juna generacio. En tiu
tempo ech tre vulgarajn shercojn oni ne malpermesas.
Komencighas
nova vivo de la novgeedzoj.
|