Yangguan famas kiel pasejo sur la antikva Silka Vojo. Tranoktante en la vilagho Yangguan, mi trovis, ke tie chiuj kamparanaj domoj apud la sabla monteto okcidente de la vilagho konsistas el 2 kortoj: en la antaua sidas salono, dormochambroj, kuirejo kaj en la malantaua - tenejo de grenoj, fruktoj kaj legomoj, domo por veturiloj kaj agrikulturaj instrumentoj, staloj kaj necesejo. En la antaua korto ripozas laubo super la domoj por ilin protekti kontrau sablovento kaj forta sunumado, char la domoj trovighas tre proksime al la sabla monteto. La lokanoj plantis multajn arbojn. Autune ili fortranchas superfluajn branchojn, el kiuj ili faras novan laubon, kaj per la sekighintaj branchoj el la malnova laubo oni hejtos domon vintre.

    Forstumado estas antikva moro de Dunhuang. En la antikvaj dokumentoj malkovritaj en Mogao-shtonkavernaro legighas songhoklarigoj: "Songhi herbojn kaj arbojn kreskantajn interne de la pordo simbolas richecon", "Songhi fruktarbojn estas bonauguro". La antauuloj de Dunhuang-anoj komprenis, ke se oni volas longe kaj trankvile vivi sur la oazo en Gobio, oni nepre devas forstumi kaj protekti akvon. Pro tio la antikvuloj admonis per songhoklarigo, ke oni plantu arbojn por richigho kaj felicho. La nunaj Dunhung-anoj firme tenas la tradicion de forstumado, kaj la vivopovaj kaj rapidkreskaj poploj profitodonaj 10 jarojn post sia plantigho bone enspezigas la plantintojn rekompence.

    Chi tie oni plantis arbojn chefe por protekti la lokon kontrau sablovento. Vidinte, ke kamparanaj domoj estas tute najbaraj al sablaj montetoj, iuj vizitantoj humure diras, ke la lokanoj protektas kontrau sablovento pere de domoj. Kiam ili konstruas domon, ili certe plantas arbojn chirkaue. La arbareto malantau la domo konsistas el altaj poploj, boskoj meze kaj kopso tuj apud sabla monteto. Tiu natura shirmilo ne nur protektas la vilaghon kaj kampojn kontrau sablovento, sed ankau verdigas la sablajn montetojn.

Revenu