Antau Zhou-dinastio Chinion regis Shang-dinastio, kies lasta regho estis tirano.

    Kiam Shang-dinastion regis la tirano, Ji Chang, la gvidanto de Zhou-regno asignis gravajn oficojn de sia regno al eminentaj personoj, kiuj helpis lin en bonordigo de la politikaj kaj militaj aferoj, kaj pro tio Zhou-regno iom post iom potencighis. Post morto de Ji Chang, lia filo regho Wu heredis la tronon kaj meze de la 11-a jarcento a.K. li gvidis armeojn de la okcidenta kaj suda lokoj kaj aliaj triboj en la batalo kontrau la tirano de Shang-dinastio. Fine la armeo de Shang estis venkita kaj ghia tirana regho mortigis sin, kio markis pereon de Shang-dinastio.

    Zhou-dinastio prenis Haojing (okcidente de la nuna Xi'an) kiel chefurbon kaj historiistoj nomas ghin Okcidenta Zhou-dinastio.

     En la lasta periodo de la Okcidenta Zhou la sklavposedantoj farighis pli kaj pli facile korupteblaj. En 841 a.K. eksplodis armita ribelo de civitanoj. La ribelo okazis en la chefurbo Haojing. La ribelantaj civitanoj kaj sklavoj sin trudis en la reghan palacon kaj regho Li forkuris. La regpotenco estis tenata de dukoj Zhou kaj Zhao. En la historio tiu periodo estis nomata respubliko. En la unua jaro de la respubliko la china historio ekhavis klaran kronikon.

    La ribelo forte batis la sklavan sistemon de Zhou-dinastio. En 771 a.K. nacimalplimultoj konkeris Haojing kaj en la sekvanta jaro Zhou-dinastio translokis sian chefurbon al Luoyang kaj de tiam malfermighis la nova pagho de la china historio. Jen la Orienta Zhou-dinastio.