La
imperiestra patrino Cixi regis Chinion preskau duonjarcenton
en la 19-a jarcento kaj efektivigis kelkajn reformojn, kiujn
chinaj politikistoj rimarkis kaj volis fari. Kompare kun aliaj
virinoj, shi estis elstara, char la reformoj estis faritaj
en la lando, en kiu la virinoj havis nenian rajton.
Jene
usona ambasadoro faris priskribon pri Cixi.
Bankedo
En
la unuaj akceptoj la ambasadoroj kaj iliaj edzinoj estis prezentitaj
al Cixi kaj imperiestro Guangxu. Poste la gastoj estis kondukitaj
en bankedan salonon kune kun honordamoj kaj fraulinoj de la
imperiestra familio. Chiu gasto havis akompananton apud si.
Cixi envenis la lasta. La imperiestro sidis en shia maldekstra
flanko, iom malantaue de shi. Chiuj aliaj estis starantaj.
Kiam shi sidighis, shi signis al ni, ke ni sidighu. Sed la
imperiestro, honordamoj kaj fraulinoj restis starantaj. Ili
ne povis sidi en shia heesto.Poste eunukoj alportis abundon
da delikataj pladoj, kaj la eunuko, kiu servis al shi, chiam
estis genuanta.
Post
kelka tempo la plej agha sinjorino el la gastoj demandis,
chu ankau la fraulinoj povus sidighi, kaj Cixi kapsignis al
Guangxu: "Sidighu, imperiestro." Kaj post tio shi
turnis sin al la princino-fraulinoj, ke ili sidighu. Ili sidighis
kun timemo nur sur la randon de la segho kaj preskau neniun
pladon kuraghis tushi.
Sed
en la postaj akceptoj la ceremonio tute shanghighis. La tabloj
estis kovritaj per blanka tuko kaj ornamitaj per freshaj floroj.
Post kiam la damo de la usona ambasadoro regalis la fraulinojn
per bankedo, la kortego multe atentis lernadon de fremdlandaj
ritoj. En la postaj bankedoj ni trovis, ke la kortego pretigis
kaj chinajn kaj europajn pladojn.
Estis
eksterordinare post tio, ke Cixi ne plu prenis vespermanghon
kune kun gastoj. Post oficiala intervidigho shi descendis
la tronon, faris mallongan interparoladon kun la akceptitoj
kaj invitis la gastojn en la bankedan salonon klarigante,
ke shia cheesto malhelpis la honordamojn kaj fraulinojn, ke
ili ne kuraghis manghi lauplache. Tial shi chiam forestis
bankedon. Sed post bankedo shi chiam reaperis kaj intime konversaciis
kun la cheestantoj.
Ghentila
traktado
Eble
pro la jena epizodo shi decidis ne plu cheesti tian bankedon.
Foje damo de grava ambasadoro petis Cixi donaci al shi bovlon,
kiun shi uzis. Post momenta hezito shi diris al eunuko: "Ni
ne devas donaci nur unu bovlon. Ni chinoj donacas paron. Iru
pretigi du bovlojn por donaci al shi." Poste shi sin
turnis al la aliaj gastoj: "Mi tre volontus donaci al
vi chiuj po du tiajn bovlojn. Sed la Ministerio de Eksteraj
Aferoj ne permesas al mi donaci dum akceptado."
Sed
poste la menciita damo shtelis iun valoregan diademon en la
palaco. Kiam shi estis forironta, prizorganto de tiaj objektoj
diris al shi, ke shi redonu la ajhon.
Chinio
estis lando grave akcentanta etiketon. Ghenerale kiam kortegano
unuafoje iris vidi Cixi, li devis sin ekzerci pri etiketo
dum semajno au ech 6 monatoj antau la akcepto. Shajne Cixi
kaj la fraulinoj pardonis la senghentilecon kaj audacan faron
de la damo. Chinoj rigardas la eksterlandon sovaghejo kaj
chiujn homojn ekster Chinio barbaroj. Dum longa tempo la chinoj
persistis en tiu vidpunkto, tial ili ne degnis atenti la barbarajhojn.
Fascinanta
virino
Taksante
la kontribuon de la damoj de la ambasadoroj en urgho al Chinio
por sinmalfermo al la okcidento, neniu povis superi la damon
de la usona ambasadoro. Oni atribuis la intimecon inter Cixi
kaj la damo de la usona ambasadoro al ties chiama respekto
al Cixi.
Nur
kiam Cixi akceptis unusolan damon de fremdlanda ambasadoro,
shi evidentigis sian spritecon, virinecon, allogecon kaj sorchon
adekvatajn al tiuj de shia personeco. Shi manpremis kun chiuj
gastoj kun varma saluto. Shi plendis kontrau varmo au malvarmo
de la vetero, au montris maltrankvilon, se deserto ne plachis
al la gastoj. Shi diris sincere, ke intervidigho kun ni estas
shia felicho. Shi havis la talenton plachi al chiuj gastoj,
malgrau ke antau tio ili havis antaujughon pri shi. Shi montradis
prizorgon al chiuj gastoj, kio plene atestis shian kapablon
regi la landon.
Shi
kaptis chiujn shancojn por informighi pri fremdlandaj moroj
kaj reguloj. Foje en teatro shi venigis al si ambasadoron
kaj ordonis alporti al li seghon. Post tio shi detale demandis
pri la sistemo de virina edukado en Usono.
"Mi
audis, ke chiuj knabinoj en via lando vizitas lernejon."
"Jes,
tute vere, via imperiestrpatrina moshto."
"Chu
ili lernas tiujn samajn de la knaboj?"
"En
la shtataj lernejoj geknaboj lernas samajn objektojn."
"Mi
tre deziras, ke chiuj knabinoj de Chinio povu viziti lernejon,
sed jam estas tre malfacile por popolanoj ebligi al knaboj
viziti lernejon."
Post
kiam shi informighis pri la shtataj lernejoj, shi diris:
"Nun
en Chinio imposto estas tre peza. Se oni starigos shtatajn
lernejojn, tio certe plipezigos la imposton. Do tio ne estos
ebla."
Sed
post nelonge la kortego dekretis pri virina edukado tra la
tuta lando kaj fondis en Chinio milojn da lernejoj por knabinoj.
Iom
post iom Cixi komprenis, ke preghejoj celas saghigi la popolon,
eduki la popolon en altigo de virto kaj spirita medio kaj
admoni homojn al amo al la gepatroj kaj fidelo al la patrolando.
Sekve shi permesis fremdlandajn pastrojn fari mision kaj konstrui
preghejojn en Chinio.
Supersticho
La
imperiestra patrino Cixi profunde kredis je sorto, damno,
diablo, anghelo, dio kaj demono, kio influis shian vivon en
multaj flankoj.
Kiam
oni la unuan fojon proponis fari al shi portreton por eksponi
ghin en la foiro de San-Luizo, shi montris grandan surprizon.
La damo de la usona ambasadoro faris al shi malfacilan persvadon,
ke portretoj de europaj shtatestroj ofte estas eksponataj
en la foiro inkluzive de tiu de la brita reghino Victoria.
Kaj krome shi admonis, ke montrado de shia portreto en la
mondo utilos shanghi la eraran impreson pri shi. Fine Cixi
cedis sed diris, ke shi konsultos duko-princon Qing. Shajne
la admono jam malsukcesis. Sed post nelonge shi sendis informi
la damon de la usona ambasadoro, ke shi jam elektis auspician
daton, por ke oni faru al shi la portreton.
Por
porti shian portreton al la Ministerio de Eksteraj Aferoj,
shi ordonis konstrui specialan fervojon anstatau porti la
portreton sur shultro imagante, ke tio similas al portado
de kadavro.
Kun
shia 60-jarigho koincidis la China-Japana Milito kaj shi ne
faris grandan jubileon. Sed en la agho de 69 jaroj shi solene
celebris sian 70-jarighon kun deziro peti felichon kaj forigi
malbonon. Shiaj vestoj estis plene broditaj je ideogramoj
signifantaj felichon kaj longevivadon. Ankau shiaj donacoj
enkorpigis shian bondeziron por felicho. En shia dormochambro
estis teleroj da pomoj, char la ideogramo de la vorto "pomo"
prononcighas kiel la vorto "paco". Krome shi shatis
havi ankau multe da persikoj en sia dormochambro, char chinoj
prenis persikon kiel simbolon de longevivado.
Shi
chiam kunportis multajn fetichojn. Kiam la damo de la usona
ambasadoro estis forlasonta Chinion, shi demetis unu el ili
kaj donacis ghin al shi kun bondeziro, ke ghi gardu shin dum
shia longa shipveturado. Shi diris, ke ghuste tiu feticho
protektis shin, kiam shi fughis al Taiyuan por eviti atakon
de fremdlandaj aliancaj trupoj en 1900. Se oni portus veston
iom similan al la funebla, tiu absolute ne devus viziti shin.
Granda
rafiniteco
La
imperiestra patrino Cixi estis iom malpli alta ol mezastatura,
sed shi portis shuojn kun kalkanumoj altaj je 6 coloj. Kaj
krome la manchura robo longa de shultro ghis la instepo elspiris
imperiestrecon. Kaj fakte shi vere radiis per imperiestreco.
Shi estis belege svelta, shiaj pashoj facilaj, kaj shi aspektis
kiel fascina virino, kio tute konformis al shia imperiestrpatrineco.
Shia vizagho ne estis belega, sed shi estis energioplena,
vigla kaj tre afabla. Shia olivkolora hauto kaj gagatnigraj
pupiloj sub la nigraj brovoj faris shian vizaghon charma.
|