Aprile de 2002 chinaj arkeologoj trovis en regiono okcidente de Liaohe-rivero, nordoriento de Chinio, fosilion de shenzhouraptoro (Shenzhouraptor sinensis), flugpova dinosauro. Tio refoje konfirmis la hipotezon, ke birdoj devenis de malgrandaj karnovoraj dinosauroj.

    La deveno de birdoj estas unu el la gravaj sciencaj temoj atentataj de tutmondaj sciencistoj. Internacie iuj opinias, ke birdoj devenis de karnovoraj kvarpiedaj dinosauroj, kaj aliaj hipotezas, ke ili devenis ne de dinosauroj. Dum longa tempo la antaua hipotezo estis nekredata de multaj sciencistoj.

    En la 90-aj jaroj de la 20-a jc. en Beipiao okcidente de Liaohe-rivero oni trovis fosilion de plumhava dinosauro, la unuan en la mondo, t.e. saurobirdo, kies trovigho tre utilis al la hipotezo ke birdoj devenis de kvarpiedaj dinosauroj. En 1997 doktoro Ji Qiang de la China Akademio de Geologiaj Sciencoj trovis fosilion de alia plumhava dinosauro, t.e. primitiva arkeopterigo, kies vostaj plumoj konformas al la nocio de la hodiauaj birdaj plumoj. En 1998 Ji Qiang trovis en la sama loko fosilion de la tria plumhava dinosauro. Tiuj novaj trovoj faris sensacion internacie. Brita kaj usona revuoj publikigis disertacion de Ji Qiang.

    Dank' al la eltrovoj kaj esploroj de chinaj arkeologoj, en internacia simpozio pri origino de birdoj en Yale, 1999, granda parto de la 500 cheestantaj sciencistoj aprobis la opinion, ke birdoj devenis de malgrandaj karnovoraj dinosauroj. Ili konkludis, ke la eltrovo de raraj fosilioj de chinaj saurobirdoj en la regiono okcidente de Liaohe-rivero estas unu el la plej gravaj sciencaj eltrovoj en la 20-a jarcento kaj tio estas la plej grava afero de post kiam Darvino publikigis evoluismon en la internacia kampo pri evoluo de la vivo.