Unua-pagho>> Kulturo >> Arkeologio

 

 

 

 


Ruino de restadejo de prahomoj en
Zhoukoudian urghe bezonas prizorgon

    Abundo da herboj, terfalo, tershovigho... Pro manko de necesa prizorgo, la ruino de restadejo de Pekin-homoj en Zhoukoudian sudokcidente de Pekino urghe bezonas prizorgon, kaj la Pekina Administracio de Historiaj Restajhoj ordonis al la utiliganto de la ruino, ke ghi nepre ellaboru savrimedojn antau la 30-a de majo chi-jare.
    La ruino havas gravan pozicion en la arkeologio de Chinio kaj la mondo. Kranio de Pekin-homo trovita en la ruino datis la homan historion je 500 mil jaroj. En la 80-90-aj jaroj de la lasta jarcento, la pekina registaro ellaboris serion da politikoj pri prizorgado, investado kaj reordigado de la ruino, dank' al kio la chirkauajho de la ruino estis plibonigita. Sed la nuna utiliganto de la ruino plendis pri "manko de mono" kaj ne faris necesajn kaj efikajn prizorgadon kaj protektadon.
    La legho pri prizorgado de historiaj restajhoj de Chinio difinis, ke "kiu utiligas, tiu prizorgas". Tial la Pekina Administracio de Historiaj Restajhoj sciigis la utiliganton de la ruino de Zhoukoudian, ke ghi ellaboru planon antau la limdato. Se ghi ne povos fari tion, ghi perdos la rajton utiligi la ruinon.

Revenu