Chinaj intelektuloj ghenerale opiniis, ke budhismo enkondukighis en Chinion en la unua jarcento. En la historia periodo, kiam la imperiestro Mingdi de la Orienta Han-dinastio (25-220) estis sur trono, hindaj bonzoj per blanka chevalo portis budhismajn sutrojn en Luoyang, chefurbon de la dinastio, kaj tio farighis atesto de enkonduko de budhismo en Chinion, sed du elterigitaj historiaj objektoj, uzitaj en la periodo de Militantaj Regnoj (475 a.K.- 221 a.K.), plifruigis tiun tempon je 4 jarcentoj.

    En la lastaj tagoj s-ro Zhang Zhengming, profesoro-esploristo de la Hube-a Akademio de Sociaj Sciencoj, diris, ke la du historiaj objektoj, elterigitaj en la tombo n-ro 2 de Tianxing-templo en la urbo Jiangling, havas apartan valoron. Unu estas duonhoma kaj duonbirda figuro de budhisma belsona birdo kaj la alia - lakita skulptita lotuso. Tiuj du objektoj montris, ke budhismo enkondukighis en Chinion en la mezo de la periodo de Militantaj Regnoj.

    Zhang konigis, ke la birdo kantas belsone. En la jaroj, kiam budhismo furoris en Hindio, tie estis belsona birdo. La chi-foje elterigita belsona birdo kun du manoj kunmetitaj estas signo de budhismo por respekto. Antau enkonduko de budhismo en Chinion ne estis simila maniero por montri respekton. De tio oni scias, ke meze de la periodo de Militantaj Regnoj budhismo jam enkondukighis en Chinion.

    La lakita skulptita ligna lotuso estas ronda. Ghia ekstero estas cirklo formita de lotuspetaloj, farita imite la lotus-tronon de la Budho. Meze de la perfiodo de Militantaj Regnoj budhismaj objektoj jam enkondukighis en Hunan-provincon, Chinio. La tieaj artistoj faris tiun lakitan lignan lotuson imite la budhan tronon.

    Fakuloj konstatis, ke budhismo estis kreita en la tempo, kiam Chinio estis en la periodo de Printempo kaj Autuno. Tiam estis pluraj vojoj inter Chinio kaj Hindio. La budhaj tronoj eble enkondukighis tiam kaj la tieaj artistoj multe imitis ghin.