"En
mia knabeco, chio en la domo estis kovrita de tavolo da sablo,"
diris 27-jara pramisto che la Flava Rivero en la Ningxia-a Huj-nacia
Autonoma Regiono. "Sed nun tio multe shanghighis."
La autonoma
regiono estis krampita de dezertoj en okcidento, nordo kaj oriento,
kaj la tero terure dezertighis.
En la
pasintaj 20 jaroj la popolo de la loko multe penadis por shanghi
la ekomedion, ke la regiono farighis unu el la malmultaj provincoj,
kiuj bremsis la dezertighon.
En augusto
de 2002 la registaro de la regiono refoje faris decidon komenci
malpermeson al pashtado almenau antau la 1-a de majo de 2003, por
novaligi la gresejojn.
Shafbredado
estas la chefa rimedo de la popolo de Ningxia por gajni monon, sed
rutina maniero de shafbredado damaghas la medion. Chu por la proksimaj
interesoj, chu por disvolvigho en la malproksima estonteco, la unika
solvo por protekti la medion estas chirkaubari shafojn kaj novaligi
la gresejojn.
Kiel la
kamparanoj bredas shafojn?
Kiel
la kamparanoj bredas shafojn kiam la gresejoj kaj montoj estas fermitaj?
En la
vilagho Jijigou oni povas vidi modernan shafbredejon kun pli ol
1000 grasaj shafoj. Respondeculo de la bredejo konigis, ke shafbredado
estas la chefa rimedo de la 30 familioj de la vilagho por gajni
monon. Post kiam la gresejoj estis fermitaj, la vilaghanoj establis
la bredejon. Plejparto de la shafoj de la vilagho estas nutrataj
en la bredejo, kaj la gresejoj reverdighas dank' al la fermo.
Nun
en la regiono miliono da shafoj estas bredataj en chirkaubaritaj
lokoj. Por pli efike novaligi la gresejojn, la registaro de Ningxia
intencis investi grasigajn bazojn kaj bonrasajn reproduktejojn.
Krome la financa departemento de la regiono kolektas kapitalon por
instigi kulturadon de bonspeca porbruta maizo.
Krome
la registaro planis disvolvi herbokulturadon en iuj tre sekaj lokoj
por sinkronigi efikan protektan restarigon de la flauro de la gresejoj
kun preparo de suficha furagho por shafoj. Oni intencas atingi la
celon en tri jaroj, ke la produktovaloro de brutobredado konsistigu
pli ol 45% de tiu de agrikulturo.
Bona estas
chirkaubarita bredado
En
augusto de 2001 kamparano Chen Yulu de Yanchi-gubernio la unua starigis
sian shafbredejon. Ghis majo de 2002 li jam grasigis pli ol 10 mil
shafojn kaj gajnis 400 mil juanojn. Li diris: "Bona estas chirkaubarita
bredado. Antaue oni pashtis shafojn chie sur la montoj, kio detruis
la gresejojn kaj la shafoj ne povis grasighi, kaj la pashtanto ne
povis liveri shafojn ech unu fojon en jaro. Sed nun oni povas liveri
shafojn almenau tri fojojn. Post chirkaubarita bredado reprosperos
la herbejoj post kelke da jaroj."
Statistiko
montris, ke antau chirkaubarita bredado oni liveris nur 37% de la
bredataj shafoj, ege malpli multe ol la meznombra cifero de la tuta
lando, kaj la meznombra pezo de la shafoj estis malpli granda ol
tiu de la tuta lando. Kaj pro tio la kamparanoj malmulte enspezis.
Chirkaubarita
bredado povas efike protekti kaj reprosperigi la flauron de la gresejoj
kaj evidente altigi la bredan nivelon kaj profiton. Pli kaj pli
multaj kamparanoj de la regiono chesigis la tradician pashtadon
kaj chirkaubaris la shafojn au jam pretas bredi tiamaniere.
Chirkaubarita
bredado en la kamparo de Ningxia karakterizighas per tio, ke chiuj
familioj bredas shafojn en siaj propraj staloj kaj formas certan
skalon kun la vilagho kiel unuo. Tio estas oportuna por subteno
de la registara departemento kaj utila por kuraco de malsano kaj
disvastigo de nova teknologio.
|