En la mondo estas 4 chefaj travintrejoj de cignoj kaj sole en Chinio estas du. Unu estas la cigna lago Bayanbulak en Xinjiang kaj la alia estas en Rongcheng de Shandong-provinco.

Mastro de la cigna lago

    Yuan Xueshun estas "mastro" de la cigna lago en Rongcheng, Shandong-provinco. Ekde 1975 li estas protektanto de la cignoj. En la pasintaj 26 jaroj li savis entute 300 cignojn.

    Antaue Yuan entreprenis riparejon de elektraj aparatoj kaj kumulis fotadon kaj videoregistradon. Li helpis kaj savis cignojn memvole. Autune, kiam flugis en lian hejmlokon la unuaj cignoj, li do ne havis tempon por prizorgi sian entreprenon. Li eldomighis frue kaj revenis hejmen malfrue por gardi che la lago. Rimarkinte malsanan cignon, li savis ghin. Li ofte saltis en akvon profundan ghis la talio por savi cignon kaj pro tio li eksuferis de serioza gastrospasmo kaj lumbalgio.

    Lia savado de cignoj influis lian entreprenadon. Li elspezis multe por prizorgi la cignojn. La cignoj manghis multe kaj elekteme, li do achetis por ili lakton, rizon, arakidnukson, legomojn kaj fruktojn por ili.

    Por havigi al si materialojn koncerne la travintrantajn cignojn kaj iliajn vivkutimojn, Yuan achetis videoregistratoron kaj fotilon kaj faris multe da fotoj kaj filmoj pri la cigna vivo. Por acheti tiujn ekipajhojn li vendis siajn televidilon kaj aparaton de VCD.

    Li achetis ankau multe da eldonajhoj pri birdoj kaj atente studis pri la cignoj. Li ofte observas cignojn kaurante plurajn horojn surtere kaj auskultas la birdan bekadon. Foje li provis per la cigna kanto konsoli malsanan cignon. La surprizita cigno sin jhetis al lia sino post 2 horoj.

    Li portis grizan veston vintre kaj somere. Li diris, ke kun tiaj vestoj oni povas facile proksimighi al la birdoj. Li dividis la ghojon kaj malghojon kun la cignoj. Li faris chion por la birdoj kaj lia hejmo farighis tiu ankau de cignoj.

    Nun en lia hejmo vivas 6 malsanaj cignoj, el kiuj 3 resanighis kaj la aliaj 3 kriplighis je flugiloj au piedoj kaj neniam plu flugos. Li sin preparas por sendi la resanighintajn cignojn al Bayanbulak, por ke pli da homoj alighu al protektado kaj savado de cignoj.