Yunnan-provinco
en la sudokcidento de Chinio estas nomata "Vegetala Regno",
char tie kreskas ne nur vegetaloj de sennombraj specoj, sed ankau
multaj tre raraj arbospecoj.
Tie
chiu speco de maljunaj arboj havas propran devenon. Ekzisto de multaj
sovaghaj, transiraj kaj kulturataj antikvaj tearboj montras, ke
Yunnan estas centro kaj chefa naskighloko de grandfolia teo de la
mondo. Mistera onidiro pri antikva piceo montras, ke ghi estas bona
origina arbospeco. La primitiva arbaro kun parashoreoj kiel marko
estas rigardata de natursciencistoj kiel viva specimeno.
Dum
longa tempo la famaj antikvaj arboj estas portantoj de longhistoria
folkloro de nacimalplimultoj de Yunnan kaj materiaj atestajhoj por
esplorado pri la historio de la nacioj kaj iliaj religioj. Tiuj
arboj estas protektataj kaj respektataj de religiuloj kaj popolanoj
kiel sanktaj, budhaj, diaj, kultaj kaj prapatraj arboj. Dank' al
tio ili estas bone zorgataj. En la 90-aj jaroj de la 20-a jarcento
la registaro de Yunnan-provinco difinis 1604 antikvajn arbojn protektendaj
de la provinco.
Piceoj
de Lijiang
En
la Picea Teraso de la rezervejo de la negha monto Yulong en Lijiang-gubernio
kreskas picearo. Unu el ili altas 40 metrojn kaj ghia brusta diametro
estas 175 cm. Ghi aghas jam 520 jarojn, sed kreskas prospere.
La ligno
de piceo estas malpeza, kun vejnoj rektaj kaj delikataj, kaj tre
tauga por fari muzikilon kaj aviadilan instalajhon. Krome ghi estas
materialo por altklasa papero. Piceo de Lijiang shatas lumon, sed
povas elteni senlumecon kaj malvarmon. Ghi kreskas malrapide. La
Picea Teraso situas en absoluta alteco de 3270 metroj. La loko estas
malofte ghenata kaj la arboj havas bonan medion por la kreskado.
Yunnan-a
taksuso
En
Yunhua-vilagho de Tengchong-gubernio kreskas Yunnan-a taksuso, kiu
aghas pli ol 600 jarojn, altas 38 metrojn kaj ghia brusta diametro
estas 190 cm. Ghi estas la plej granda taksuso de Chinio. La arbo
estis zorgeme protektata de la vilaghanoj dum centoj da jaroj. Ili
masonis chirkau la bazo de la arbo malaltan chirkaubarilon el lafoj.
Yunnan-a
taksuso estas originala arbospeco de Chinio kaj unuaklasa protektenda
vegetalo de Chinio. Ghia ligno havas belajn vejnojn kaj fajnan kvaliton
kaj estas tauga por fari ornamajhojn, meblojn, muzikilojn k.a. El
oleo de ghia semo oni faras sapon kaj lubrikajhon.
Tamariko
Tamariko
estas alinomata avalokiteshvara saliko au tri-printempa saliko.
En la Glazurita Halo de Baisha-vilagho de Lijiang-gubernio kreskas
tamariko de pli ol 500 jaroj. Ghi altas 8 metrojn kaj estas la plej
maljuna tamariko en Chinio. Ghi havas du trunkojn kaj unu el ili
havas brustan diametron de 100 cm.
En la
halo estas fresko de Ming-dinastio (1368-1644). La freskoj temas
pri budhismo, lamaismo kaj taoismo. La loko estas kultura restajho
protektata de la provinco. Ghi estas ankau fama turisma loko.
Tamariko
povas elteni alkalon kaj sekecon kaj taugas por kontrausabla arbaro.
Elefanta
banjano
La
Elefanta Banjano altas 28 metrojn kaj aghas 500 jarojn. Che la bazo
de la trunko elkreskas enaeraj radikoj, kiuj formas la figuron de
elefanto, tial la arbo ricevis la nomon. La arbo kreskas apud la
korto de la administrejo de la rezervejo de Mengyang de Jinghong
kaj estas vidindajho en tiu turisma loko. La arbo estas protektata
de la provinco.
Taiwania
flousiana Gaussen
La
arbo de 1100 jaroj kreskas en la Avalokiteshvara Templo en la Granda
Luoyiping-vilagho de Tengchong-gubernio. Ghia brusta diametro estas
271 cm. La malsupra parto de ghia trunko jam kavighis pro putrigho
kaj povas enteni 5 homojn. La arbo estis multfoja atakata de fulmo,
sed la krono ankorau estas prospera. La lokanoj rigardas ghin dia
arbo kaj starigis en la kavo nichon por kulto. Taiwania flousiana
Gaussen estas unuaklasa protektenda vegetalo de Chinio kaj tiu
arbo estas protektata de la provinco.
Taiwania
flousiana Gaussen estas tre valora postrestinta vegetalo. Ghia
ligno havas belajn vejnojn, donas agrablan odoron kaj estas tre
tauga por fari altklasajn meblojn.
Stupao
en arbo
En
la Unua Elementa Lernejo de la urbo Luxi kreskas maljuna budha arbo,
kies trunka bazo enkrampis malgrandan stupaon de hinajano. La arbo
havas prosperan kronon kaj dikan trunkon.
La stupao
estis konstruita en 1748. Eble birdo postlasis semon sur la stupao
kaj la semo burghonis kaj kreskis en grandan arbon. Iom post iom
la trunko envolvis la stupaon, kio multe interesis la rigardantojn.
|