La
Naturparko de Dongzhai-haveno en la orienta parto de Hainan-provinco
estas marcha loko che tropika maro sur la sama nivelo kia la marsurfaco.
La naturparko kovras areon de 5400 hektaroj. La 31-an de julio,
1992, ghi estis enlistigita en la liston de gravaj marchoj de la
mondo.
La loko trovighas che golfo, kiu kun zigzaga
bordo profundas malpli ol 4 metrojn. Che la golfo estas marcho kun
biksarboj, kiaj bruguieroj (Bruguiera gymnorrhiza) kaj rizoforoj
(Rhizophora mucronata). Tie vivas arboj entute de 30 specoj el 16
familioj. Ili chiuj estas tropikaj kaj subtropikaj, kreskantaj che
maroj. Ili, chiamverdaj, kreskas kaj produktighas
lau sia propra vivmaniero che golfo au riverbusho, longe mergitaj
en akvo kaj atakataj de ventego. La bonkvalitaj biksoj altas 3-4
metrojn, sed la plej alta superas 10 metrojn. Dank' al sia araneajh-simila
radikaro, ili staras kontrau ventego kaj ondego en marcho. Iliaj
dikaj kaj duraj folioj estas efikaj por redukti la transpiradon.
Sur la folioj estas multe da glandoj, kiuj faciligas ekskreciadon
de salo, asimilita el marakvo. Che maturigho de fruktoj, la semoj
ghermas interne de ili. Kelke da horoj post sia enmarchigho ili
ekhavas radikaron. Movataj foren de ondoj, ili fluas sur akvo kaj
enradikighas tuj post atingo de marcho che marbordo. Tia produktado
estas rara. La biksarbaro estas ankau paradizo por diversaj birdoj.
Tie aktivadas vadbirdoj, kiaj mevoj, nigraj kaj blankaj ardeoj,
blanktaliaj kaj rughpiedaj anasoj. Tie vivas ankau diversaj fishoj,
salikokoj, kraboj kaj konkuloj. Ili chiuj formis bonan ekologian
sistemon.
En 1980 la Hainan-a Forstuma Buroo fondis
tie naturparkon kaj ghian administrejon por protekti la marchojn
kaj birdojn, esplori la ekologian sistemon de biksoj kaj fari propagandon
pri graveco de protekto de la marchoj. Dank' al la dekkelk-jara
penado, la tiea ekologia sistemo tendencas al bona evoluo.
Rilata
materialo:
Malsekejoj
de Chinio
|