La nomita naturparko kun alto de 30-35 m super la marnivelo situas en la norda parto de Hunan-provinco. Ghi kovras areon de 190 mil hektaroj. La 31-an de julio, 1992, ghi estis enlistigita en la "Nomojn de internacie gravaj marchoj".

    La Orienta Dongting-lago prezentas marachojn zigzagajn kun multe da golfoj kaj havenoj. Chiujare 312.6 miliardoj da kubmetroj da akvo fluas tra ghi kaj ghia konstanta kapacito estas 17.8 miliardoj da kubmetroj. Ghi profundas 4-22 m. kun la plej granda akvofalo de 17.76 metroj. En ghi fluas akvo el la riveroj Xiangjiang, Zishui, Yuanjiang kaj Lishui. Chirkau la lago estas vastaj marchoj kaj ebenajhoj. Tie varmas somero kaj malvarmas vintro kun subtropika musona klimato kaj la jara averagha temperaturo estas 17 gradoj C. kaj la jara pluvokvanto -- 1200-1330 mm, senprujna dauro -- 258-275 tagoj. Tie kreskas poploj, salikoj, papiliacoj, graminacoj, krizantemoj, ciperoj, potamogetoj, lotusoj, eurialoj, lemnoj kaj aliaj, entute 131 specoj da akvaj vegetajhoj.

    Tie vivas multaj vadbirdoj. Tie vintras diversaj ardeoj, cikonioj, anasoj, gruoj kaj mevoj. Oni registris, ke de 1988 tie vintris sume 27 mil akvobirdoj, inkl. de 9 specoj da ardeoj, 2 specoj da sovaghaj anseroj, 11 specoj da anasoj, 6 specoj da gruoj kaj 3 specoj da mevoj. Tie aperis ankau blanknaghilaj delfenoj, kiujn minacas pereo. Tie vivas ankau galputoroj, hidropotoj (Hydropotes inermis), acipenseroj, karpoj, megalobramoj (Megalobrama terminalis), makruroj (Macrura reevesii), kelonioj kaj pli ol 400 specoj da moluskoj.

    Decembre de 1984 la china registaro decidis, ke la Orienta Dongting-lago kaj proksimaj marchoj estu naturparko. La loka registaro publikigis decidon, ke tie estas malpermesate chasi kaj fishado devas esti nur en difinita tempo per permesataj manieroj kaj la unua semajno de chiu aprilo estas semajno de birdoj kaj chiu oktobro estas grua monato. Krome, la administrantaro kaj koncernaj establoj kune organizis komunan administrantaron por protekti la naturan medion kaj naturajn richfontojn kaj fari sciencan esploradon. Nun la loka ekologio estas en benigna medio por protekto kaj utiligo lau la unueca regulo de scienca departemento.