Fine
de augusto de 2001 la Zhalong-a Naturparko de Heilongjiang, nordorienta
Chinio, estis atakita de incendio. En du monatoj la incendio englutis
duonon de la fragmitejo kun areo de 210 mil hektaroj, severe minacante
la viv-medion de la rughvertaj gruoj kaj aliaj animaloj.
Meze
de oktobro mi veturis al la naturparko. Tie mi vidis, ke sur la
lazura chielo daure shvebas densa fumo plurajn kilometrojn longa
kaj la incendio ankorau ne estingighis. Pro manko de akvo oni jam
povas veturigi motorciklon sur la antaue senlima marcho. Tiea vilaghano
malghoje diris al mi, ke en la distrikto Zhalong sternighis 20 mil
hektaroj da fragmitoj, sed nun 14 mil estis englutitaj de la fajrego.
La
23-an de oktobro mi refoje vizitis la lokon kaj ankorau vidis sporadajn
fajrojn. Oni diris al mi: "La incendio atingis nian distrikton
la 14-an de oktobro. Tiam multaj rughvertaj gruoj flugis el la marchejo
kaj venis al la maiz-kampoj, ne povante elteni la fumegon."
Feliche,
la incendio okazis autune, kiam la birdidoj jam kapablis mem flugi,
tial ili ne pereis. La gruoj kaj aliaj birdoj manghas chefe fishojn
kaj salikokojn en la marcho, kaj ilia vivo estas nun minacata pro
sekigho de la marcho. Koncernaj departementoj diris, ke la incendio
jam detruis la radikojn de fragmitoj, tial necesas almenau 3-5 jaroj
por ke la marcho havu la originan aspekton.
Nun
oni ankorau ne scias la rektan kialon de la incendio. Fakuloj opinias,
ke unu el la gravaj kauzoj estas manko de akvo.
La
akvo de la marcho devenas chefe de rivero sur la okcidenta deklivo
de la Malgranda Xing'an-montaro. La trosekeco en la dauro de pli
ol dek jaroj multe malpliigis la river-akvon kaj la malsupra baseno
de la rivero ech iom post iom sekighis. Chiujare en pluva sezono
en la rivero estas malmulte da akvo, kiun tamen bezonas la industriaj
entreprenoj kaj kampoj che la rivero, kaj nur ege malmulte da akvo
povas atingi la marchon.
Materialo:
La
Zhalong-a Naturparko de Heilongjiang estas shtatnivela naturparko
de Chinio. Ghi estas unu el la unuaj naturaj marchoj, enlistigitaj
kiel internacie gravaj marchoj. Nun en la tuta mondo ekzistas nur
15 specoj da gruoj, el kiuj 9 vivas en Chinio. Sole en la Zhalong-a
Naturparko vivas 6 specoj. La rughvertaj gruoj estas la unuaklasaj
birdoj protektataj de la shtato. Zhalong estas ilia plej granda
produktejo kaj loghloko.
.
|