"Reprosperigo
de la malnova industria bazo de la nordoriento" estis proponita
kiel grava strategia tasko en la Tria Sesio de la 16-a Centra Komitato
de la Komunista Partio de Chinio. Kaj Zhao Jincheng, membro de la
Tutlanda Komitato de ChPPIK, diris, ke shlosilo de reprosperigo
de la nordoriento estas reprosperigo de la tieaj entreprenoj, kaj
reprosperigho de la entreprenoj dependos de la laboristoj de tiuj
entreprenoj. Oni devas praktiki humanan principon dum la tuta proceso
de rearangho kaj reformado de la malnova industria bazo de la nordoriento.
S-ro
Zhao opiniis, ke en la reprosperigo de la malnova industria bazo
de la nordoriento estas necese starigi ekzamenan sistemon por la
laboro de gvidantoj, kategorie malpermesi paradajn kaj fanfaronajn
vorkojn, malpermesi nepraktikajn kaj proksimvidajn konstruadon kaj
blindan investon por plano de tro malproksima estonteco. Estas necese
radikale eviti la malbonajn aferojn de promocio lau "ciferoj".
Kaj oni devas fari konstruadon surbaze de disvolvigho de homoj en
chiuj flankoj. Zhao laboris kaj vivis en la nordoriento multajn
jarojn. Li diris, ke pro la historia kialo la malnova industria
bazo de la nordoriento disvolvighis koste de damagho al la vivmedio
kaj interesoj de la popolo. Peza shuldo de la hisotrio katenis la
ekonomian kaj socian disvolvighon de la nordoriento. Reformado de
entreprenoj devigis la laboristojn de la malnova industria bazo
pagi malfacile elteneblan reforman memkoston, ke multighis senlaboruloj,
malaltighis la vivnivelo, malmultighis shancoj de labor-akiro kaj
malfortighis la socia garantio.
"Rearangho
kaj reformado de la malnova industria bazo de la nordoriento montras
la shanghighon de ne nur koncepto de industrio, sed ankau tiu de
urbo kaj socio. La solvenda problemo ne estas sola industria problemo,
kaj pli grave estas solvo de postighinteco de la urboj kaj tiu de
komplika socia kontraudiro, nome esenco estas solvo de la problemoj
pri homoj," diris Zhao Jincheng.
Shtataj
entreprenoj en la malnova industria bazo de la nordoriento okupis
plejparton de la totala nombro de la entreprenoj de la nordoriento,
ilia depresio alportis al la socio multajn nestabilajn faktorojn
dum la proceso de la reformado, kaj parto de la problemoj ne estas
solveblaj por la registaro, kiel ekzemple granda deficito de asekuro
por maljunuloj, malalta povo de kolekto de mono por la medicina
asekuro, tro peza shuldo de la entreprenoj k.s. Zhao Jincheng proponis,
ke la shtato donu kompare longtempan kaj stabilan subtenon al la
asekuro de maljunuloj kaj solvu la deficiton de kapitalo por asekuro
de maljunuloj per financa transiga pago kaj imposto kolektita de
la centra kaj lokaj registaroj.
"Koncepto
de 'humaneco' devas esti montrata en diversaj flankoj," diris
Yang Guojun, membro de la Tutlanda Komitato de ChPPIK veninta de
Harbin, "kaj la plej grava estas plibonigo de la medio. Mi
proponas, ke la shtato donu politikan subtenon al la malnova industria
bazo de la nordoriento rilate vorkojn de akvoadministrado, akvofonto,
traktado de malpura akvo, sableja transformado k.s."
La
cheestantoj de la du sesioj prizorgis ankau jenajn aferojn: stimuli
reprosperigon de la nordoriento per akcelo de privata ekonomio;
doni pli da laborpostenoj pere de manufakturo surbaze de la industria
kaj intelekta avantagho; solvi shuldon de entreprenoj dumlonge ghenantan
la malnovan industrian bazon de la nordoriento.
|