La Shtata Ekonomia kaj Komerca Komisiono de Chinio informis, ke en venontaj kelkaj jaroj Chinio elkulturos 30-50 grandajn kompaniojn kaj grandajn entreprenojn (grupojn).

    Antau kelkaj jaroj en la kampo de chinaj entreprenoj iam estis grandaj anekso kaj reorganizado, kies rezulto tamen ne estis ideala. En kia fono nun oni denove metis tiun aferon en tagordon? Kiun signifon ghi havas? Kiun rolon ludos la registaro kaj entreprenoj? Chu bonaj entreprenoj montros sian avantaghon en la reorganizado?

BEZONO DE MEMBRIGhO AL MKO

    Kiun influon havas membrigho al la Monda Komerca Organizo (MKO) sur diversaj entreprenoj de Chinio? Statistiko de koncernaj departementoj montris, ke post membrigho al MKO la fortaj entreprenoj plejparte estos tiuj, kies merkato estas supersaturita antau longe, ekz. tiuj de vestofarado kaj fabrikado de hejmaj elektraj aparatoj, dum la defiataj entreprenoj estos multe koneksaj kaj havantaj grandan influon sur la nacia ekonomio, ekz. industrio automobila. Nur en grandskala fabrikado la lasta povas mallevi sian produktokoston kaj garantii la konkurencan povon rilatan prezon kaj teknikajn kondichojn kaj nur en grandskala investo oni povas havigi al si memdecidan ekspluatan povon. Alivorte, nur grandaj kompanioj kaj entreprenoj kapablos akcepti defion de transnaciaj kompanioj.
 
    La forteco de grandaj grupoj montrighos ankau en teknika renovigo. Praktiko montris, ke sola enkonduko ne havigos la plej avangardan teknikon, tamen pere de anekso kaj rego de akcioj oni havigos al si la plej avangardan teknikon. Tiel tendencas la internacia bezono. Oni diris, ke chiujare 70% de la teknologioj, nove kreitaj en la tuta mondo, estas posedataj de la 500 potencaj entreprenoj de la mondo.

ChEFAN ROLON LUDOS ENTPREPRENOJ

    Kiujn rolojn devas ludi la registaro kaj entreprenoj en la laboro kulturi grandajn grupojn? Por tio koncernaj departementoj de Chinio emfazis, ke entreprenoj devas ludi la chefan rolon.

    Tio signifas, ke la entreprenoj rajtas fari sian strategian celon de disvolvo. La registaro povas akceli reorganizadon kaj unuigon de la entreprenoj, se ili deziras tion. La registaro ne devas fari tion, se mankas al ili tia deziro.
 
    En disvolvo de grandaj grupoj oni devas meti sian chefan atenton sur kreon de la plej bonaj kaj fortaj grupoj kaj kulturi ilian konkurencan povon. Por tiu celo oni devas forigi la elementojn, kiuj ne rilatas la chefan taskon de la entreprenoj.

SUBTENO DE REGISTARO

    Kiun rolon ludas la registaro en tiu laboro? Koncerna respondeculo de la komisiono diris, ke la tasko de la registaro estas plenenergie subteni la disvolvon de la grandaj kompanioj kaj entreprenoj kaj krei bonan eksteran medion por ili.
 
    Unuflanke, la registaro devas malpliigi sian intervenon en la aferojn de la entreprenoj. Char la registaro posedas politikajn rimedojn por subteni la disvolvon de la entreprenoj kaj helpi ilin malsharghighi, ghi devas plene liveri tiujn politikojn al ili.

    Konstrui kompletan sistemon de socia garantio kaj helpi la entreprenojn en arangho de la laboruloj kaj laborpostenoj ja estas tasko de la registaro. Malhavo de tia medio estas maljusta por la shtataj entreprenoj. Nuntempe ankorau ne estas tute ordigita la ekstera medio por la grandaj kompanioj kaj entreprenoj (grupoj) de Chinio kaj iuj historiaj problemoj devas esti solvitaj helpe de la registaro. La registaro devas krei medion de justa konkurenco por la shtataj entreprenoj.

ELSTARAJ KONTRIBUOJ DE GRANDAJ ENTREPRENOJ

    En 2000 la profito de 515 gravaj chinaj entreprenoj konsistigis 98% de tiu de la shtataj entreprenoj de Chinio. Tio montras, ke la grandaj kaj mezgrandaj shtataj entreprenoj estas grava forto por akceli la ekonomian kreskon de Chinio.

    Statistiko de la Centro de la Ekonomiaj Informoj de la komisiono montris, ke 24 el la 29 industrioj koncernataj de la 515 potencaj entreprenoj estas nete profitodonaj. Ili kreis profiton de 224.84 miliardoj da juanoj, kiuj konsistigas 99.8% de la totala profito de la shtato kaj proksimume 70% de la profito estis donita de 13 entreprenoj el ili.