La 8-12-an de decembro 2000 okazis en Kunming, chefurbo de sudokcidenta provinco Yunnan, la Unua Foiro de Neshtataj Entreprenoj de Chinio. Tio estas grava pasho por stimuli la chinajn neshtatajn entreprenojn, precipe tiujn de la okcidenta parto de Chinio.

    La foiro inaugurighis je la 9-a matene de la 8-a. Provincestro Li Jiating salutis la inauguron de la foiro. Li diris, ke en la antautago de la nova jarcento kaj aligho de Chinio al la Monda Komerca Organizo, en la tempo de ampleksa disvolvo de la ekonomio de la okcidenta parto de Chinio, la Unua Foiro de Neshtataj Entreprenoj estis manifestacio de la atingoj de la neshtataj entreprenoj de Chinio en la pasintaj 20 jaroj.

    Antau 20 jaroj en Chinio ne estis privata entrepreno, kaj la homoj opiniis, ke privata entrepreno estas kapitalisma fenomeno. Dank' al la profundigho de la reformado kaj pordmalfermo, chinaj privataj entreprenoj kreskis el nulo kaj farighis pli kaj pli fortaj. Ili kontinue, rapide kaj stabile progresas kaj havas pli kaj pli multajn pocentojn en la nacia ekonomio. Estante grava konsistiga parto de la socialisma merkata ekonomio de Chinio, la jara produktovaloro de la chinaj privataj entreprenoj kreskas je 30 pocentoj kaj ili laborigas pli ol 3 milionojn da homoj.

    La foiron partoprenis 18501 en- kaj eksterlandaj komercistoj, kaj 160 miloj da homoj vizitis la foiron. 2008 privataj entreprenoj havis 1699 standojn por montri siajn produktajhojn inkluzive civilan aviadilon, mashinojn, elektronikajn ekipajhojn, elektronikajn pecojn, tekstilajhojn, manghajhojn, medikamentojn, metiartajhojn k.a.

    Yunnan-provinco najbaras al Vjetnamio, Laoso kaj Birmo kaj nelonge distancas de Tajlando, Kambogho, Singapuro kaj aliaj sud-aziaj landoj. La foiro interesis tiujn landojn. S-ro Supachai, vicchefministro de Tajlando, cheestis la inauguron kun varma paroladeto kaj kun granda intereso rigardis la foiron. Li prelegis en la inauguro de la tritaga Forumo por Disvolvo de China Neshtata Ekonomio en la 21-a Jarcento. Li diris, ke la ekonomia kunlaboro de Tajlando kaj Chinio havas vastan perspektivon. Li ech proponis detalajn temojn por kunlaboro, ke Yunnan konstruu grandan elektrejon por liveri elektron al Tajlando, konstruu fervojon inter Kunming kaj Bankoko, kaj pli poste per tiu fervojo interligu ankau Birmon kaj Vjetnamion. Li kaj s-ro Li Jiating havis interkonsilighon pri la la komerca kaj turisma kunlaboro inter Tajlando kaj Yunnan-provinco.

    La foiro dauris nur 5 tagojn, sed rikoltis multajn sukcesojn. En- kaj eksterlandaj komercistoj subskribis 1180 komercajn kontraktojn en valoro de 29.19 miliardoj da juanoj kaj 319.4 milionoj da usonaj dolaroj, kaj sole privataj entreprenistoj de Yunnan-provinco subskribis 827 kontraktojn en valoro de 24.33 miliardoj da juanoj kaj 259 milionoj da usonaj dolaroj.