Unu
el la gravaj taskoj por konstrui bonhavan socion en chiuj flankoj
en Chinio estas disvolvi modernan agrikulturon kaj kamparan ekonomion
kaj levi enspezon de la kamparanoj, sed kiamaniere oni atingos tiun
celon, tio estas unu el la problemoj varme diskutataj en la chi-jaraj
sesioj de TPK kaj ChPPIK kaj ankau shlosila problemo solvenda por
la nova registaro de Chinio.
Chinio
estas granda agrikultura lando. Ghi chiam donas grandan atenton
al agrikultura reformado, inkl. de reordigo de la specoj de agrikulturajhoj,
pliigo de la scienc-teknologiaj elementoj en agrikulturo kaj akcelo
de la agrikultura industriigo. Kvankam tiu reformado portempe ne
povas komplete shanghi la fizionomion de la china agrikulturo kaj
ankorau estas malekvilibro de disvolvigho de la kampara ekonomio
inter diversaj regionoj, tamen iuj kamparanoj jam bonhavighis, utiligante
favorajn lokajn kondichojn kaj privilegiajn politikojn de la registaro.
En
la lastaj jaroj en la antauurbaj vilaghoj naskighis nova industrio,
t.e. novtipa ekologia turismo kun agrikulturo kaj vilaghoj kiel
portantoj. Kun la disvolvigho de agrikultura industriigo la moderna
agrikulturo ne nur faras produktadon, sed ankau shanghas ekologian
medion kaj favoras turismon kaj feriadon. Kun kresko de la enspezo,
multigho de la feriaj tagoj, plirapidigho de la vivritmo kaj akrigho
de la konkurenco, oni deziras diversspecan turismon. Jen naskighis
turisma agrikulturo.
Qiaoxin-a
Ekologia Ghardeno de Guangdong-provinco estas modelo de verda turisma
agrikulturo. Ghi situas 39 km okcidente de Kantono. De Kantono al
la ghardeno oni veturas nur duonhoron. La ghardeno disvolvas turisman
agrikulturon por allogi turistojn, utiligante la avantaghan situon
de la loko.
En
la ekologia ghardeno diversformaj sengrunde kulturitaj melonoj,
fruktoj, floroj kaj bonkvalitaj legomoj estas tre shatataj de turistoj,
kiuj povas pluki fruktojn en la ghardeno, rosti kaj fishhoki che
la lago kaj remi sur akvo. Krom tio turistoj povas lui parcelon
de la ghardeno por kulturi plantojn shatatajn de ili kaj la ghardeno
prizorgas la parcelon ghis ili venas en la sekvanta fojo. La turistoj,
enuigitaj de la urba bruado, povas ghui la idilian kvieton en la
ekologia ghardeno.
Leting-gubernio
de Hebei-provinco donas grandan atenton al turisma agrikulturo ekde
1998 kaj en 3 jaroj ghi konstruis turisman zonon 50 km longan kun
legomaj kaj fruktaj ghardenoj por turismo. Tie estas 1666 hektaroj
da persika ghardeno, kiu altiris al si pli ol 50 mil turistojn.
Multaj turistoj plukas la grandegajn persikojn en forcejoj. Tie
chiu persiko kostas 1.2 usonajn dolarojn kaj la persikoj de unu
hektaro vendighas kontrau 64 mil usonaj dolaroj.
La
simila ekologia turisma agrikulturo disvolvighas rapide en antauurboj
de Chinio kaj de tio la kamparanoj multe profitas.
|