Antau nelonge la Agrikultura Ministerio de Chinio difinis, ke 2003 estu Agrikultura Scienc-teknika Jaro de Chinio kun la celo kiel eble plej multe ludigi la rolon de sciencoj kaj teknikoj en la disvolvigho de agrikulturo kaj vilagha ekonomio, organizi agronomojn kaj teknikistojn en la unua fronto de reguligo de la agrikultura strukturo, kaj levi altan tajdon de lernado kaj apliko de agrikulturaj kaj sciencaj teknikoj kaj plialtigo de la scienc-teknika kaj kultura kvalito de la kamparanoj.

    Por racia arangho de produktado de la superaj agrikulturajhoj la Agrikultura Ministerio de Chinio efektivigos la planon pri scienc-teknologia agado cele levi la konkurenc-povon de la superaj agrikulturajhoj, solvi la shlosilajn teknikajn problemojn en produktado kaj prilaboro de superaj agrikulturajhoj, kaj aranghi scienc-teknikistojn en esplorado de tiuj problemoj. Antau chio oni aranghos sciencan esploradon por solvi la shlosilajn problemojn de produktado de sojfabo, maizo, kotono kaj laktobovo kaj pliigi la fundamentan esploradon de agrikulturo kaj esploradon de agrikultura biologio, informadiko kaj aliaj altaj teknologioj.

    En 2003 la ministerio lanchos konstruadon de modelaj gubernioj pri prosperigo de agrikulturo per sciencoj kaj teknikoj, kuraghigos sciencistojn kaj teknikistojn fari teknikan disvolvon kaj disvastigon de la fruktoj en la produktado. Samtempe kun tio ghi daure aranghos trejnadon de junaj kamparanoj per sciencoj kaj teknikoj por levi ilian kapablon en apliko de agrikulturaj teknikoj.