Kiel unuflanke teni la produktokvanton de greno kaj aliflanke grandigi la enspezon de la kamparanoj? La 650 mil kamparanoj restis tie kaj chiu penadis sur sia parcelo de 0.07 hektaro por raciigi la agrikulturan strukturon kaj entrepreni la profitodonan agrikulturon.

    Chinio chiujare produktas ch. 500 milionojn da tunoj da greno, sed en multaj lokoj de ghia kamparo, pro la superfluo de tradiciaj produktajhoj kaj alta produktokosto de greno, aperis la fenomeno, ke la kamparanoj ne pli multe enspezis malgrau la kresko de la produktokvanto en pluraj jaroj. Tial oni asertis, ke la kamparanoj ne povas liberigi sin de malricheco dependante sole de gren-kulturado.

    Kiel unuflanke teni la produktokvanton de greno kaj aliflanke grandigi la enspezon de la kamparanoj? Por respondi tiun demandon, ni vizitis la kamparon de Gaocheng de Hebei-provinco, proksiman al Pekino. Tie la 650 mil kamparanoj ne grandnombre elmigris el la kamparo, sed restis tie kaj chiu penadis sur sia parcelo de 0.07 hektaro por raciigi la agrikulturan strukturon kaj entrepreni la profitodonan agrikulturon. En l999 chiu kamparano enspezis meze 3576 juanojn, kies 70% venis de agrikulturo kaj prilaborado de agrikulturaj produktajhoj. La faro de Gaocheng povas esti ekzemplo de la kamparanoj de aliaj lokoj de Chinio, se ili volas garantii gren-produktadon sur la malgranda parcelo kaj samtempe altigi sian enspezon.

    Shajne la chielo ne favoris nin. Ekpluvis, kiam nia auto preterpasis la vilaghon Beigaozhuang. Ni vidis neniun, sed tre belan kamparan pejzaghon: reto da padoj, forstoj tie kaj tie sur la kampoj, kaj escepte de la kampoj de autuna maizo post la rikolto de tritiko, chiuj aliaj kampoj similas al belaj ghardenoj, kie kreskas diversspecaj salikoj, rozo, siringo k.a., la malgrandaj en vazoj, kaj la grandaj povas shirmi kontrau la suno. Ni vagadis sur la asfaltita vojo inter kampoj kaj vidis kamparanon en domo apud la vojo. Li nomighas Gu Ruheng. Ni interparolis kun li pri la laboro kaj vivo de la kamparanoj de la loko.

Dem.: Kial vi kulturas arbojn kaj florojn sur viaj kampoj?

Resp.: Antau kelke da jaroj mi, kiel miaj samvilaghanoj, vivtenis min chefe per kulturado de tritiko kaj maizo. Sola gren-produktado povis liveri al ni sufichan grenon, sed la rikolto sur mia parcelo donis al mi nur 500 juanojn. Mi estas sperta en kulturado de floroj, kaj ankau la registaro instigis nin raciigi la agrikulturan strukturon, por ke la latenta forto de la tero estu ekspluatata, kaj tiel mia sperto havis la shancon ludi indan rolon. En l989 mi komencis kulturi florojn sur mia parcelo, kaj chiujare mi enspezas dekoble pli multe ol per terkulturado. Mi havas pli kaj pli grandan fidon.

Dem.: Chu vi ne timas, ke vi ne povos forvendi la florojn?

Resp.: Flor-kulturado dependas de sperto kaj de la merkato. Nia loko ne estas malproksima de nia provinca chefurbo Shijiazhuang, Pekino kaj Tianjin (Tianjin estas unu el la plej grandaj urboj de Chinio, 100 km. sudoriente de Pekino), kaj la urbanoj bezonas multegon da arbidoj kaj floroj por verdigi siajn vojojn kaj riverojn. Mi faris greftadon en kulturado de arbidoj. Nun multaj kamparanoj sin okupas per kulturado de ornamaj arbidoj kaj floroj, kaj centoj da hektaroj da kampoj estas uzataj por la kulturado. Nia loko vaste disfamighis kaj ni havas klientojn ech en Hainan-provinco, 3000 km. for de ni.

Ni adiauis Beigaozhuang kaj daurigis la veturadon en pluveto. Ni haltis che kampo de dolchaj kapsikoj. Ho, kiaj prosperaj kreskajhoj kun abundo da verdaj fruktoj! La mastro de la kampo s-ro Shi plukis unu kapsikon kaj diris al ni: "Tio estas bona vario n-ro 7 liverita de la China Agronomia Akademio. Chiu frukto pezas 200-250 gramojn."

S-ro Shi estas tre sperta en kulturado de legomoj. Li kondukis nin en sian forcejon. Ni miris, ke chiu rampajho portas nur unu rondan verdetan frukton, kun reta vejno sur la shelo.

    "Ghi estas altklasa melono, kaj mi pagis 3 juanojn por chiu semo. Sed chiu kg. da frukto kostas 60 juanojn. En la forcejo de 0.1 hektaro mi semis 2400 semojn, kaj chiu frukto pezos 1.5 kg. Mi kulturas dufoje en jaro. Universitato en nia provinco liveris al ni semojn kaj la teknologion. Kaj profesoroj de la universitato helpis nin trovi merkaton. Ni jam subskribis kontrakton kun fremdlandaj komercistoj. Ni estas garantiataj chiuflanke kaj certaj je nia enspezo."

    Gaocheng estas grava agrikultura bazo de Hebei-provinco. Ekde l996, kondichite de stabila produktokvanto de greno, la provinco iom post iom malmultigis la kampojn por greno kaj multigis la kampojn de 5300 hektaroj al 16700 por legomoj kaj aliaj profitodonaj plantoj. Por altigi la skalon de agrikulturaj produktajhoj, oni starigis tri regionojn de fruktokulturo, legomkulturo kaj brutobredado. Krome, oni starigis ankau bazon de arbidoj kaj floroj, enkondukis usonan apion, korean tomaton kaj aliajn pli ol 50 fremdlandajn specojn de legomoj kaj fruktoj.

    Raciigo de la agrikultura strukturo kaj disvastigo de aplikado de novaj specoj en Gaocheng multe altigis la enspezon de la kamparanoj, kelkoble au ech dekoble. Krome, la kamparanoj kulturas sur 13300 hektaroj da kampoj tritikon tre taugan por fari nudelon kaj panon, kaj jam tio altigas la enspezon de la kamparanoj je 20 milionoj da juanoj. Sendube, la kamparanoj daure kulturas grenon, sed ili ne estas blindaj kiel antaue. Ili jam ellernis fari elekton lau la bezono de la merkato kaj lau sia propra kapablo. Parto de la kamparanoj de Gaocheng lertas en kulturado de arbidoj kaj floroj, kaj ili sin okupas samtempe per gren-kulturado kaj kulturado de arbidoj kaj floroj.