 |
Unua-pagho
>> Ekonomio >> Fenomeno
|
|
La 29-aj Olimpikoj profitodonaj de ZUO YAN |
||||||||
La 4-an de augusto, 2003, publikighis la emblemo de la 29-aj Olimpikoj en 2008. En la sekvanta tago trinkajho kokakolo kun tiu marko aperis en Carrefour kaj aliaj grandaj superbazaroj de Pekino. Tiutage sole en la superbazaro de Beitaipingzhuang oni vendis pliajn 20 grandajn kestojn da boteloj da kokakolo. Kokakolo-kompanio kiel kontribuanto la unua ricevis rajtigon de la Organiza Komitato por la Pekinaj Olimpikoj uzi ties emblemon kaj la unua utiligis la merkatan shancon kaj komencis komercan konkurencon je la 29-aj Olimpikoj. Kiel la plej granda sportkunveno, la Olimpikoj sendube liveras grandegan shancon por komercado. Respondeculo de Kokakolo-kompanio diris, ke la kompanio pliigos sian investon en Pekino en la venontaj 5 jaroj. Li diris, ke la celo kompreneble estas la grandega merkato por la 29-aj Olimpikoj. Oni diris, ke krom la kompanio Kokakolo ankau aliaj entreprenoj deziras profiti de tiu shanco. Ili jam ellaboris au ellaboros planon por investi la merkaton kaj neniel preterlasos la grandan komercan shancon je la Olimpikoj.
La emblemo de la Olimpikoj estas kerna richajho de intelekta proprieto, char ghi entenas ne nur grandan kulturan enhavon, sed ankau komercan valoron. Fakte, publikigo de la emblemo de la 29-aj Olimpikoj estis nur preludo de la pinta plano "La Olimpikaj Partneroj" farita de la Organiza Komitato por la 29-aj Olimpikoj, kies vicprezidanto Jiang Xiaoyu diris, ke ghia influo estas pli granda ol aliaj markoj kaj rigardata kiel la plej valora richajho en la merkata ekspluatado, kaj vendi ghian uzrajton estas unu el la gravaj kanaloj kolekti pli ol miliardon da usonaj dolaroj por la 29-aj Olimpikoj. La plano ampleksas chiujn merkatajn aferojn de Chinio, konsentite de la Internacia Olimpika Komitato kaj la Organiza Komitato por la 29-aj Olimpikoj. Ghi donos grandan komercan shancon al chinaj kaj alilandaj entreprenistoj. Ghi konsistas el tri partoj, t.e. la plano de la kontribuantoj, tiu de la liverantoj kaj tiu de la privilegiaj entreprenoj.
La modelo por kontribui al la Olimpikoj estas trispeca, t.e. internaciaj kontribuantaj entreprenoj, ordinaraj entreprenoj kaj kontribuantoj de la gastiganta lando. La entreprenoj, kiuj farighis Olimpikaj partneroj, havas serion da privilegioj. Ili rajtas uzi diversajn markojn de la Olimpikoj en la tuta mondo kaj la plej grava estas ekskluziva principo. En chiu sfero oni permesas varojn de nur unu entrepreno, dum la alispecaj estas malpermesataj. Ghis nun 9 entreprenoj jam subskribis kontrakton por esti Olimpikaj partneroj en 2005-2008 lau la plano. Oficisto pri merkato-ekspluato de la internaciaj Olimpikoj diris, ke tio estas rara en la historio kaj tio montras, ke la transmaraj grupoj realigos la komercan strategion utiligante la 29-ajn Olimpikojn. Lau la kutimo de la Internacia Olimpika Komitato, en la pasintaj jaroj estis maksimume 12 Olimpikaj partneroj, nun restas ankorau kelke da vakaj lokoj. Sed pro granda investado la Olimpikaj partneroj restas monopoligataj ekskluzive de la plej grandaj kompanioj de la mondo kaj ghis hodiau neniu china kompanio kontaktis tiun planon, tamen iuj potencaj kompanioj havas tiun intencon. La prezidanto de la Merkat-ekspluata Komisiono de la Internacia Olimpika Komitato diris: "Nun ni faras traktadon kun iuj chinaj entreprenoj pri tio." Li deziris, ke tiukampe sukcesu ankau chinaj entreprenoj.
Nun pluraj transmaraj kompanioj konkurencas pro la vasta merkato tenata de la 29-aj Olimpikoj. Por akiri la rajton kontribui autojn al la 29-aj Olimpikoj germana, usona kaj korea entreprenoj nun faras akran konkurencon, kvankam oni jam faris kelke da traktadoj. Krome ankau bieraj, bankaj, petrolaj kaj kemi-industriaj entreprenoj faras tian konkurencon por esti Olimpikaj partneroj. Oni faris konkurencon rilate la komercan shancn de la Olimpikoj sur chiuj kampoj. Urbestroj kaj ambasadoroj de pluraj landoj en Chinio faris specialan viziton al la Organiza Komitato por la 29-aj Olimpikoj por serchi shancon kunlabori kun Pekino kaj ankau iuj komercaj chambroj faris similan laboron kun la Organiza Komitato por la Pekinaj Olimpikoj. La australia komerca chambro konigis al Pekino sian sperton en gastigo de la Olimpikoj kaj venigis 50 famajn entreprenistojn al Chinio por komerca seminario. Septembre de 2003 en Pekino okazis la Ekspozicio de Arkitekturaj Atingoj. La franca registaro organizis delegacion de unuarangaj mediprotektaj kaj trafikaj entreprenistoj por okazigi ekspozicion en Pekino cele gajni pli da mendiloj. Respondeculo de la Disvolva kaj Reforma Komisiono de Pekino diris: "La entreprenoj havas multajn shancojn krom esti kontribuantoj de la Pekinaj Olimpikoj, se ili volas partopreni ilin." En la venontaj 5 jaroj Pekino asignos al la urba konstruado 280 miliardojn da juanoj, el kiuj 64% estas por konstruado de fundamentaj instalajhoj. Parto de la asignita mono estos uzata por konstrui novajn Olimpikajn stadionojn kaj sporthalojn, rekonstrui la ekzistantajn konstruajhojn, perfektigi la aerodromon, trafikan sistemon kaj autovojojn, ekipajhojn pri gaso, elektro, traktado de malpura akvo kaj reguligo de rivervojoj kaj plifortigi TV-elsendon kaj telekomunikan sistemon. Pekino promesis, ke en 2008 60% de la pekinaj loghantoj havos poshtelefonon, sed nun nur 30% havas tian telefonon. Kaj plie oni disvastigos larghrubandan, telekomunikan sistemon en la Olimpikaj Stadionoj kaj Sporthaloj kaj la Olimpika Vilagho. IBM antau longe jam trovis tiun shancon. Ghia china kompanio diris, ke ghi volontos helpi Pekinon en gastigo de la 29-aj Olimpikoj per sia richa sperto kaj avangardaj teknologioj. Pekino proponis verdajn Olimpikojn kaj tio forte interesis Michelin-kompanion (grupo), la plej grandan kompanion de pneuoj. Ghia reprezentanto diris, ke lia kompanio konigos al Chinio la novajn teknologiojn kaj artojn pri media protekto de pneuoj, iliaj renovigo kaj repreno. Vivendi estas la plej granda mediprotekta entrepreno de la mondo. Proparolanto pri ghiaj internaciaj aferoj diris, ke la kompanio deziras dividi kun Pekino sian sperton en konstruado de sporthaloj por la Sidnejaj Olimpikoj kaj helpi Pekinon en arangho de la servaj aktivadoj koncerne mediprotektadon, kiaj akvotraktado, media higieno, energia servado, publika transporto kaj aliaj. La mondfama reklama kompanio Ogilvy kaj Mather kredas, ke dank' al siaj kapabloj ghi havas shancon helpi Pekinon en arangho de la publikaj rilatoj kun la tuta mondo. Pekino planas konstrui 15 novajn stadionojn kaj sporthalojn por la 29-aj Olimpikoj, el kiuj ghis hodiau nur la Shtata Sporta Stadiono jam havas sian leghopersonon. Ghi decidis fari adjudikon tra la tuta mondo por 6 novaj stadionoj kaj sporthaloj.
|
