Altklasaj
blukolumuloj urghe bezonataj
Lau
la analizo pri la bezono de laboruloj de diversaj fakoj en 2002,
laboruloj de manufakturado, precipe kapablaj fakuloj (alinome altklasaj
blukolumuloj), estas tre bonvenaj.
Koncernaj
specialistoj tiel opiniis: Bezono je laboruloj de manufakturado
estis nigra chevalo por la laborula merkato de 2002. Oni tute ne
atendis, ke fakaj laboruloj estis tiel bonvenaj al multaj famaj
entreprenoj, ke la salajro de laboruloj estis pli alta ol tiu por
administrantoj, kaj krome ili estis favorataj de ekstraj privilegioj.
Tio pruvis, ke laboruloj de manufakturado jam okupis gravan lokon
en la personara strukturo en evoluintaj urboj. Sekve oni venis al
la konkludo, ke en la vonontaj jaroj altklasaj blukolumuloj estos
tre bonvenaj.
Ankorau
bonvenaj estas laboruloj de telekomunika industrio
Dum
longa tempo ofico en telekomunika fako estas tre preferata de laborserchantoj,
ke la meznombra salajro de la profesiuloj estis plej alta dum longa
tempo. Telekomunikaj entreprenoj bezonas pli kaj pli multajn diplomitojn
de telekomunika inghenierio, komputoriko kaj ghia teknologio, informadika
inghernierio kaj elektronika informadika inghenierio.
Krom
teknologiaj kaj administraj laboruloj, ankau fakuloj por merkata
vendado estas multe bezonataj de la telekomunika industrio. Kune
kun turnigho de la telekomunika merkato de vendanto al tiu de achetanto,
la telekomunikaj entreprenoj energie potencigas sian personaron
por ofertado, do laboruloj talentaj kaj en teknologio kaj en merkata
ofertado estas tre bonvenaj.
Daure
furoras dungigho al la informa industrio kaj financo
Antaue
oni kutimis kunligi la informan industrion kun interreta shaumo,
sed fakte la informa industrio estas nove levighinta esperdona industrio.
Oni statistikis, ke nuntempe la komputora industrio donas plej multajn
laborpostenojn kaj neniu alia industrio povas superi ghin en tiu
flanko. La informa industrio bezonas en 2003 grandan nombron da
laboruloj por komunikado, interreto, telekomuniko, disvolvo de sistemoj,
softvara inghenierio, datuma analizo k.a.
Entreprenado
de fremdaj bankoj en Chinio kaj pli kaj pli multaj servoj de financa
asekuro sentas nesufichon de fakaj, precipe altklasaj kapabluloj
en tiuj kampoj.
Bonvenaj
estas laboruloj de informa teknologio
Laboruloj
de informa teknologio estas plej bonvenaj. Mankas al mikroelektronika
industrio de Shanhajo 300 mil laboruloj tiufakaj. Koncernaj specialistoj
antaukalkulis, ke en la venontaj 5 jaroj Shanhajo bezonos duonmilionon
da laboruloj de informa teknologio inkluzive de cirkvita analizo,
elektronika produktado, produktado de hejmaj elektraj aparatoj,
komunikado, poshtelefonio kaj industria mikroonda komunikado.
Krome,
post aligho de Chinio al la Monda Komerca Organizo, la china socio
pli multe sin malfermis al la mondo, kaj oni bezonas multajn raportistojn,
redaktorojn, programistojn kaj laborulojn de servaj profesioj inkluzive
de kompetentaj konsilistoj kaj projektistoj. Ankau altklasaj administrantoj
spertaj kaj pri internacia funkciado kaj pri la stato de la loko
estos multe preferataj.
|