La vivo de chinoj multe plibonighis kaj chiujare salajruloj havas almenau 3 feriadojn, chiu el kiuj dauras 7 tagojn. En liberaj tagoj ili deziras vojaghi alilanden. Pro levigho de la china ekonomio chiam pli multaj eksterlandanoj direktas sin al Chinio por turismo au laboro.

    La chinoj estas optimismaj por sia estonteco. La ekonomio de Chinio daure tendencas al plibonigho. Chinio membrighis al la Monda Komerca Organizo, sukcesis en invito de Olimpikoj kaj ricevis kvalifikon partopreni en la Mondpokala Piedpilka Konkurso, chio chi firmigis la memfidon de la china popolo.

    En la pasintaj jardekoj la china registaro praktikis politikon limigi al ordinaraj civitanoj la en- kaj ellandighon, tamen en la pasintaj 20 jaroj tiu limigo iom post iom mildighis. Novembre de 2001 ghia Ministerio de Publika Sekureco publikigis 6 reformojn pri tiu problemo por faciligi en- kaj ellandighon. Nun por ellandigho la chinoj povas peti pasporton sen eksterlandana invitilo kaj nur per sia civitana atesto kaj loghregistro, dum alilandanoj povas peti "verdan karton", se ili deziras longe loghi en Chinio.

    La Mondpokala Piedpilka Konkurso furorigos vojaghon al Koreio. La 1-an de decembro, publikighis la rezulto de lotado pri la mondpokalaj matchoj. La china teamo faros matchon en Koreio almenau 3-foje. Oni taksis, ke almenau 60 mil chinoj vizitos la konkurson, kaj la turisma servo de Koreio diris, ke dum la konkurso Koreio gajnos almenau 200 milionojn da usonaj dolaroj el la chinaj piedpilkaj maniuloj.

    La Turisma Komisiono de Australio diris, ke oktobre de 2001 la nombro de la eksterlandaj turistoj, vojaghintaj en Australio, reduktighis je 16% kompare kun la sama periodo de 2000, tamen la nombro de la chinaj turistoj levighis je 24%. La turisma servo de Nagasako, grava turisma gubernio de Japanio, diris, ke de septembro de 2000 ghis novembro de 2001 pli ol 16 mil chinoj vojaghis al Japanio. Pluraj lokoj de Japanio rigardas gastigon de chinaj turistoj afero tre favora al ilia ekonomia kresko.

    "En Printempa Festo de la venonta jaro ni regalos chinajn turistojn per ghjauzi-o en Arkto," diris finno en Pekino. La 7-an de decembro 2000, finna delegacio, gvidata de estro de la provinco Lappland, petis, ke oni faru Finnlandon turisma loko por chinoj. Ankau Germanio, Egiptio kaj Turkio estos novaj lokoj por chinaj turistoj. La havaja registaro okazigis simpozion pri turismo en Pekino. Tajlando organizis mielan vojaghon akompanate de elefanto. Ankau Svisio, Hispanio, Grekio kaj aliaj landoj faris enketon pri turismo en Chinio. Oni supozas, ke en 2005 16.4 milionoj da chinoj turisme vojaghos eksterlanden.