"Legu sur reto pri ilia kredita stato." Tio estas la unua pasho de multaj entreprenoj de Pekino en elekto de kompano.

    Se nur vi per muso klaku la retstacion www.hd315.gov.cn, vi do trovos la entreprenon kaj ghian leghopersonon de la administra sistemo pri registrajhoj de la entreprenoj kaj leghopersonoj, serchataj de vi, kaj scios, chu ili estas legho-observantaj kaj kredindaj. Tiu sistemo ekfunkciis julie de 2001.

    Maturigho de la merkata ekonomio certe kondukas al kredita ekonomio kaj en tiu flanko fondigho de la kredita sistemo kaj de entreprenoj kaj de individuoj ne disigeblas de tiu de la shtata sistemo.

    Respondeculo de la China Kabineto por Bonordigi kaj Reguligi la Merkatan Ekonomion diris, ke la china registaro aprobas la provon de diversaj lokoj en fondo de kredita sistemo de entreprenoj kaj individuoj kaj akcelas tiun bazan laboron de la merkata ekonomio. Nun Chinio jam komencis fondi la sistemon de arkivo de entreprena ekonomio kaj tiun de individua kredito.

Administro de entreprena kredito

     Fondo kaj kompletigo de la socia kredita sistemo konforma al la merkata ekonomio kaj iom-post-ioma fondo de la ekonomia arkivo de entreprenoj kaj individua kredita sistemo estas rigardataj kiel unu el la gravaj enhavoj de bonordigo kaj reguligo de la ordo de la merkata ekonomio kaj ankau unu el la shlosiloj por solvi la malordon de la merkata ekonomio. La autoritata departemento de la shtato foje refoje avertis, ke oni devigos la nekredindajn entreprenojn multe pagi por sia malkredindeco, kio montras la decidemon de la registaro.

    Kial la kredito de chinaj entreprenoj ne estas kontentiga? La kauzoj estas diversaj, kaj inter ili estas manko de klara difino de posedanteco kaj forta deziro pri protekto de siaj rajtoj, manko de fidinda garantio pri la kredito proponita de la registaro kaj malpeza punado de perfido de promesoj. Tiuj malbonaj fenomenoj koncernas chefe mezgrandajn kaj malgrandajn entreprenojn, pro tio la kredita administrado devas esti farata antau chio super tiuj entreprenoj.

    La mezgrandaj kaj malgrandaj entreprenoj havas gravan lokon en la china ekonomio. Ilia totala produktovaloro konsistigas 60% de tiu de la chinaj entreprenoj kaj la de ili pagita impostosumo kaj la totala valoro de iliaj eksportajhoj konsistigas respektive 40% kaj 60% de tiuj de la tuta lando kaj en ili laboras 75% de la chinaj laboristoj. Chio chi montras, ke ili estas tre gravaj por disvolvigho de la china ekonomio.

    La Shtata Ekonomia kaj Komerca Komisiono de Chinio metos fondon de la kredita sistemo de mezgrandaj kaj malgrandaj entreprenoj sur gravan lokon de sia laboro en 2003 kaj komencis fari provon por funkciigi la sistemon pri registrado de kredito kaj publikigon de la sistemo. La komisiono nun ellaboras serion da reguloj kaj publikigas sur interreto la nomojn de la mezgrandaj kaj malgrandaj entreprenoj, kiuj bone plenumas siajn promesojn, kaj la nomojn de iliaj asekurantoj. Pere de tio oni celas starigi bonan medion de disvolvigho por la fidindaj entreprenoj kaj efike redukti riskon de ilia entreprenado.

Provi la individuan krediton

     Hodiau, se shanhajanoj pruntas monon en ajna banko, ilia nomo do automate aperas en la sistemo de findinda servado por individua kredito, kaj la shanhajanoj, kiuj havas kreditan rilaton kun bankoj, kaj tiuj, kiuj petis karton de pretertrato, estis registritaj de individua kredito. Bankoj kaj aliaj entreprenoj povas legi la registrajhojn de iuj ajn pruntantoj sur reto kaj decidi, chu ili pruntedonas monon al ili au ne.

    Shanhajo estas la unua urbo, kiu fondis sistemon de individua kredito.

    En tiu urbego, la plej granda ekonomia kaj financa centro de Chinio, la individua kredito ekfuroris kaj individua pruntado por konsumado estas farata iom post iom de multaj civitanoj. Multaj homoj faras pruntadon en bankoj. Iuj kvitigas sin post nur 3-5 tagoj. La shuldado kaj kvitigo alternas rapide. Oni diris, ke eble al ili ne vere mankas mono, sed ili volas havi la unuan individuan registron pri kredito kaj ricevi bonan komenton. Kun tio ili facile pruntas monon por acheti domon kaj automobilon. En la unua duonjaro de 1998 banko de Shanhajo komencis funkciigi la individuan pruntedonadon kaj nun dekkelkaj bankoj de Shanhajo faras tiun servon. Nun el la 20 mil nove achetitaj automobiloj preskau 7 mil estis achetitaj per pruntita mono.

Por ellabori koncernajn leghon kaj regulojn

     La 1-an de januaro 2002, komencis praktikighi la unua loka statuto pri individua kredito en la urbo Shenzhen, kiu havas klarajn difinojn pri la sfero de informoj de la individua kredito, iliaj kolekto, uzado, kontrolo kaj regado de la informaj establajhoj, kaj nun la registro de la individua kredito povas esti konata pere de legha kanalo.

    Por preventi damaghon al la rajto de homaj sekretoj la statuto de Shenzhen diras, ke antau publikigo de la informoj oni devas peti aprobon de la mastro, kaj chi tiu havas rajton koni la kolektitajn informojn kaj korekti ilin, montrante sian identigilon, kaj krome postuli, ke la kolektantoj kaj uzantoj de la informoj devas teni ilin en sekreto kaj ne malkashi ilin al la tria flanko, nek utiligi ilin en nekoncerna kampo.

    Nun bankoj, doganoj, impostaj autoritatoj kaj administracioj de fremdvaluta intershangho fondas sistemon pri registrado de la personoj ne bone agantaj, por ke oni katenu ilin pri larghigo de la entreprenado kaj ankau aliaj entreprenoj povu legi la registron de tiuj entreprenoj kaj personoj sur reto.